-
Ereño Gorria kareharria da mundu mailako ondarea osatzen duten 50 harrietako bat
-
% 92ko okupazioa UPV/EHUko graduatuen artean
-
20.000 lagun inguruk egin dute aurretiazko izen-ematea UPV/EHUn gradu ikasketak egiteko
-
Aurkitu dute nola kontrolatzen eta gobernatzen dituzten zelulek beren lekualdatzeak
-
103 master ofizialek eta berezko 72 tituluk osatuko dute UPV/EHUren 2024-2025eko eskaintza
UPV/EHUko Gobernu Kontseilua Arabako Errioxan bilduko da
Noiz eta non
2015/05/12 2015/05/12, 09:30 - 08:49
Deskribapena
Maiatzaren 12an, UPV/EHUko errektore Iñaki Goirizelaiak eta bere Gobernu Kontseiluak ohiko bilera egingo du Arabako Errioxan. Ardoaren eta Mahastien Paisaia Kulturala hautagaitza, eskualdeak biltzen dituen berezitasun eta aparteko balioengatik, UNESCOren Munduko Ondare izendatzeko bidean da.
Guardia-Arabako Errioxako Kuadrillako lehendakari Jokin Villanuevak, Eusko Jaurlaritzako ordezkariek (Joxean Muñoz, Kultura, Gazteria eta Kiroletako sailburuordea eta Imanol Agote, Kultura Ondarearen zuzendaria), Arabako Errioxako Upeltegien Elkarteak, Inés Baigorri elkarteko gerentea ordezkaria dela, eta Arabako Errioxako Ardoaren Ibilbidea Elkarteko lehendakari Juan Manuel Lavínek ongietorria egingo diete eta euren esker ona adierazi unibertsitateko errektorego-taldeko kideei, Arabako Errioxaren aldeko atxikimendua azaltzeagatik eta laguntza emateagatik.
Pasa den urrian izan zen ebaluatua 'Errioxako eta Arabako Errioxako Ardoaren eta Mahastien Paisaia Kulturala' hautagaitza, eta UNESCOK zer erabaki hartu zain gaude.
Arabako Errioxako eguraldiaren berezitasunek, eskualdearen aniztasunak, eta beroiei begira egokitutako hazkuntza-sistemek lotura estua daukate kultura ondasun material eta ez-materialekin, ardoaren kulturaren baitan ernatu diren horiekin, gizakiaren lana tartean. Horiek guztiek aparteko ondarea osatzen dute, eta Europan ezaguna izatea etorkizuna bermatzeko bidea izango da.
Ohiturak, bizitzeko eta lan egiteko moduak, munduarekin komunikatzeko bideak eta denboran zehar naturari erakutsitako errespetua… Arabako Errioxa eta Euskadi harrotzekoak dira.
Arabako Errioxako Ardoaren eta Mahastien Paisaia berezia eta aparta da, gizakiaren eta naturaren arteko zentzuzko eta errespetu handiko hartu-emanaren adierazpidea. Tradizioan, jardunean eta humanismoan ondo oinarrituta, gure eskualdea aurrerantz doa: berrikuntza eta garapen iraunkorra eta zuzena ardatz dituen etorkizunari begiratzen dio.