Fernando Plazaolak, Euskal Herriko Unibertsitateko Zientzia eta Teknologia Fakultateko dekano gisa, eta Jose Antonio Lozanok, Basque Center for Applied Mathematics-eko zuzendari zientifiko gisa, lankidetza-hitzarmena sinatu dute UPV/EHU-BCAM Ikasgela Teknologikoa sortzeko. Lankidetza horrek Gradu Amaierako Lanen, Master Amaierako Lanen, praktika eta beken eta master eta doktorego programa bateratuen zuzendaritza sustatuko du, baita ikasleentzako ikastaro eta jarduerak ere.
-
Denboran zehar bidaia bat; Araiako gaztelura itzultzea
-
20.000 lagun inguruk egin dute aurretiazko izen-ematea UPV/EHUn gradu ikasketak egiteko
-
UPV/EHU mundu mailako abangoardian kokatu da komunikazio kritikoei dagokienez
-
Itziar Laka, Eusko Ikaskuntza-Laboral Kutxa 2024 Saria, ikerketa linguistikoagatik
-
‘FOS Detection’ proiektuak lehen saria lortu du ‘Think Big 2024’ sarietan
UPV/EHU-BCAM Ikasgela sortu da
Ikasgela Teknologiko berria unibertsitatearen eta Basque Center for Applied Mathematics-en arteko lankidetza-hitzarmen baten emaitza da
- Albisteak
Lehenengo argitaratze data: 2023/09/28
![](https://www.ehu.eus/documents/10136/46380195/aula-tecnologica-upv-ehu-bcam_web.jpg/b729d15f-4ed6-73b5-da28-97fd8e6f4b47?t=1695910590177)
Bestalde, Ikasgelak, besteak beste, I+G proiektuetan batera parte hartzea bultzatuko du, UPV/EHUren eta Basque Center for Applied Mathematics-en arteko interes komuneko gaien esparru ireki batean. Gainera, ikasgelako jardueretan parte hartzen duten ikasleek BCAMen karrera profesionala egin dezaten lagunduko du, eta argitalpen zientifiko-teknologikoak egingo ditu elkarrekin, lankidetzako ikerketa-jardueraren emaitzak zabaltzeko.
Unibertsitatea-Enpresa-Gizartea
Unibertsitatea-Enpresa-Gizartea Ikasgelak UPV/EHUren eta Ikasgelen erakunde finantzatzaileen arteko lankidetzarako guneak dira. Ikasgelen helburua UPV/EHUren eta erakunde laguntzaileen artean ikaskuntza eta ikerketa bateratua sustatzea da, bikaintasuneko profesionalen prestakuntza eta ezagutzak enpresetara, ikerketa-zentroetara eta, oro har, gizartera transferitzea sustatuz. Hiru ikasgela mota daude: enpresa-ikasgelak, enpresekin lankidetzan aritzeko; teknologia- ikasgelak, BCAM bezalako ikerketa-zentroekin; eta gizarte- ikasgelak, gizarte-erakundeekin lankidetzan, hala nola GGKEekin, fundazioekin, kultura-erakundeekin eta abarrekin.