-
Ereño Gorria kareharria da mundu mailako ondarea osatzen duten 50 harrietako bat
-
% 92ko okupazioa UPV/EHUko graduatuen artean
-
Aurkitu dute nola kontrolatzen eta gobernatzen dituzten zelulek beren lekualdatzeak
-
Arotza, fisikaria eta jakite hutsaren atsegina
-
103 master ofizialek eta berezko 72 tituluk osatuko dute UPV/EHUren 2024-2025eko eskaintza
Jaime Rosales izango da 'Hermosa juventud' filmaren emanaldian eta mahai-inguruan
Noiz eta non
Noiztik: 2014/05/29 Noiz arte: 2015/01/19, 12:00 - 13:38
Deskribapena
Bihar, osteguna, maiatzak 29, 12:00etan, BilbaoArteko aretoan (Urazurrutia,32 Bilbo) zinemagile katalana den Jaime Rosales Fontcubertaren Hermosa juventud (2014) izango da ikusgai, Kulturbasquek eta BilbaoArtek antolatuta. Filma ikusi ondoren, zuzendariak proiekzioa ikustera joango direnekin mahai-ingurua eskainiko du. Aurreko larunbatean, maiatzaren 24an, pelikula Cannes-eko jaialdian erakutsi zen, "Un certain regard" sailean eta ostiralean, maiatzaren 30ean, Espainiako zine-aretoetan lehenengo aldiz ikusi ahal izango da.
Hermosa juventud film honek kontatzen du, nola saiatzen diren maiteminduta dauden 20 urteko bi gazte, Natalia eta Carlos, asmo eta diru gutxirekin, oraingo Espainian bizirauten. Protagonistek nahi duten bezala aurrera jarraitzeko ezgai ikusten dute beren burua, eta itxaropen gutxirekin, dirua ateratzearren amateur erara pornoa grabatzea bururatzen zaie. Baina, alabaren jaiotzak beren bizitza aldatuko du.
Lan hau, egile katalanaren bosgarrena da, porno espainoleko aktore garrantzitsuenetariko bat den Torberen laguntzarekin egina. Honek, zinemagile katalanari La soledad(2007) pelikulan protagonisten arteko eszena sexualak grabatzen lagundu zion. Gainera, aktoreen zerrendan Ingrid García Jonsson, Juanma Calderón, Inma Nieto eta Fernando Barona ere aipatzekoak dira.
Pelikula hau, Rosalesek Cannes-era eraman duen laugarrena izan da, eta aurtengo lehiaketa ospetsuko ordezkari espainol bakarra.