El próximo jueves, 17 de Octubre, tendremos a Pako Sudupe en el Seminario Abierto de Filosofía; su charla tendrá por título "Immigrazioa eta Abertzaletasuna" . Como de costumbre, nos reuniremos a la una del mediodía en la Sala de Juntas de la Facultad y, esta vez, el seminario será en euskera.

Immigrazioa eta Abertzaletasuna

Pako Sudupe

Lan honetan, funtsean, hiru periodo jakinetan, 1. 1876tik aurrera; 2. Frankismoan eta 3. Azken mende bueltan, Hego Euskal Herrira etorritako migratzaileen kopuru handiak indar abertzaleen aldetik zer-nolako diskurtsoak sortu dituen azaltzen da –Kataluniakoa ere ukitzen da baina gaingiroki--. Ez inola ere modu exhaustiboan, lagin adierazgarri batzuen bitartez baizik. Eta azterketa horretan hizkuntzari garrantzi berezia ematen zaio.

 

Iñaki Iurrebasok egindako doktore tesiaren arabera, 195.000 hiztun gara Euskal Herrian (%7) euskaraz erdaraz baino hobeki mintzo garen elebidunak, eta bi hizkuntzetan antzera moldatzen direnak 220.000 (%8). Egoera linguistiko honetara heltzeko, era askotako arrazoiak egon dira noski, historiko-politikoak, sozio-ekonomikoak, baina immigrazioak ere, dudarik gabe, eragin handia izan du.

Indar abertzaleek, baina, ez diote gaiari heltzen, arrazistak deituak izateko beldurrez edota eskolak migratzaileen seme-alabak euskaldunduko dituen sasi-esperantzak hartaraturik. Hizkuntza eta herri zapaldu eta gutxiengo bilakatuari geure lurrean lehentasuna aitortzea, eta geure lurrean inoiz hegemoniko edo behintzat zabalduena izateko neurriak hartu beharra proposatzea nola izango da eskuin muturreko planteamendu bat?