Derrigorrezko Bigarren Hezkuntzako eta Batxilergoko, Lanbide Heziketako eta Hizkuntzen Irakaskuntzako Irakasleen Prestakuntza Unibertsitate Masterraren zortzi espezialitateetako bat da. Espezialitate guztietarako berdina den Modulu Orokorra bukatutakoan ematen da.
Bi modulutan antolatuta dago. Lehenengo moduluaren helburu nagusia da diziplinaren didaktika espezifikoa eta curriculuma, eta Bigarren Hezkuntzako eta Lanbide Heziketako irakaskuntzari egokitutako metodoak ezagutzea; bigarren moduluarena, aldiz, estrategia eta metodo horiek espezialitateko eduki eta gai zehatzetan aplikatzea.
Bi moduluetan arreta berezia jartzen da honako gai hauetan: ikusizko kultura, praktika artistikoen balio kognitiboa, sormena (berrikuntzarako bide moduan), eta sentsibilitatea, afektibotasuna eta hunkiberatasuna (ikaskuntzaren baldintzatzaile diren aldetik).