Comunicación Profesional Escrita en Euskera28428
- Centro
- Facultad de Economía y Empresa. Sección Gipuzkoa
- Titulación
- Grado en Administración y Dirección de Empresas (ADE)
- Curso académico
- 2024/25
- Curso
- X
- Nº Créditos
- 6
- Idiomas
- Euskera
- Código
- 28428
DocenciaAlternar navegación
Guía docenteAlternar navegación
Descripción y Contextualización de la AsignaturaAlternar navegación
“Idatzizko Komunikazio Profesionala Euskaraz” (IKPE) irakasgaia hautazkoa da Enpresen Administrazio eta Zuzendaritza graduan, ikasleei eskaintzen zaie, lehenbiziko lauhilekoan. Irakasgaiak lotura zuzena du bigarren lauhilekoan eskaintzen den “Ahozko Komunikazio Profesionala Euskaraz” (AKPE) irakasgaiarekin.
IKPE irakasgaiaren helburu nagusia da arlo profesionalean eraginkortasunez, egoki eta zuzen jarduteko aintzat hartu beharreko hizkuntza-irizpideak ezagutu, eta testu profesional behinenak egiteko orduan aplikatzea, behar denean, hizkuntza- zalantzak argitzeko profesionalek eskuragarri dituzten kontsulta-tresnak gutxieneko autonomiaz erabilita (hiztegiak,itzulpen-memoriak, dokumentu-biltegiak...).
Horretaz gain, testu tekniko eta profesionalak egoki idazteko urratsak landuko dira eta graduarekin loturiko euskarazko terminologia landu eta zalantzak argituko dira. Halaber, graduarekin lotuta dauden eta erabilienak diren testu-generoak aztertu, idatzi eta landuko dira. Azkenik, Enpresan eta Administrazio Publikoan euskara normalizatzeko dauden ekimen eta baliabideen inguruko gogoeta egingo dugu.
Irakasgai hau egiteko euskararen gaitasun-agiririk eskatzen ez bada ere, irakasgaia ondo jarraitzeko eta gainditu ahal izateko, gutxieneko maila bat izan behar du ikasleak, idatziz nahiz ahoz komunikatzeko.
Enpresen Administrazio eta Zuzendaritzako graduko gaitasun hauekin dugu loturarik estuena:
- Erabakiak behar bezala hartzea erraztuko duten enpresa barruko gai eta egoerei eta beste enpresa eta merkatuetako egoera jakinei buruzko txosten argi eta koherenteak prestatu, egin eta aurkeztea jende adituari nahiz aditua ez denari.
- Eskura dauden baliabideak eraginkortasunez esleitzea, informazio- eta komunikazio-teknologiak ikasketetan eta inguru profesionalean erabiliz.
- Ikasleak gai izatea idatziz nahiz ahoz erraztasunez komunikatzeko.
- Ikasleak gai izatea lortutako datuetan oinarriturik iritzi arrazoituak emateko.
- Ikasleak gai izatea talde-lanean aritzeko, arduraz eta errespetuz, iniziatiba eta lidergoa erakutsiz.
- Ikasleek gaitasuna izatea pentsamendu analitikorako eta hausnarketa kritikorako.
- Iturri desberdinak dituen informazioa bilatu, identifikatu, aztertu eta laburtzea enpresaren egoera eta hark izan dezakeen bilakaera baloratzeko gaitasun kritikoarekin; arrazoitutako iritziak ematea eta ekonomia, enpresa, gizartea eta etikarekin zerikusia duten gai garrantzitsuei buruzko erabakiak hartzea.
Competencias/ Resultados de aprendizaje de la asignaturaAlternar navegación
- Diziplina anitzeko lan-taldeetan txertatzen jakitea, eta egoera bakoitzerako beharrezkoak diren trebetasunak garatzea: talde-lana, lidergoa, ekimena, sormena edo erabakiak hartzea.
- Edozein arlo ekonomikori buruzko txostenak egitea, ideiak jende adituari nahiz aditua ez denari garbi eta koherentziaz helaraztea, eta kasu bakoitzean beharrezkoa den hizkuntza-gaitasuna erabiltzea.
- Eskuratutako jakintzak eta teknikak erabakiak hartzeko erabiltzea, besteak beste globalizazioaren, berrikuntza
teknologikoaren eta ingurumen-arazoen ondorioz etengabe aldatzen ari den testuinguru ekonomiko, sozial eta politiko batean.
- Hainbat iturritatik ateratako informazioa kritikarako, autokritikarako eta ikaskuntza autonomorako gaitasunarekin bilatzen, aztertzen eta laburbiltzen jakitea, gai ekonomiko, sozial edo zientifiko garrantzitsuei buruzko iritzi arrazoituak adierazteko.
- Ikasketa-eremuari lotutako informazioaren teknologiak eta tresna informatikoak eraginkortasunez erabiltzea.
Contenidos teórico-prácticosAlternar navegación
1. modulua: Komunikazioaren oinarriak: Komunikazio espezializatua
Eduki teorikoak
1.1. Sarrera: komunikazioaren rola enpresa eta ekonomia arloan
1.2 Testua komunikazio-unitate linguistikoa: testuinguratzea, egituratzea eta testuratzea
1.3. Testuen berrikuspena: zuzentasuna eta egokitasuna
1.4 Testuen berrikuspena: estiloa
1.5 Komunikazio espezializatuaren bereizgarriak
1.6 Kontsulta-baliabideak
Eduki praktikoak
- Kontsulta-baliabideen (hiztegien, terminologia-datubaseen, corpusen eta kontsulta-guneen) erabileran trebatzea.
- Komunikazioaren, testu-ekoizpenaren eta berrikuspenaren oinarriak lantzea, komunitate akademikoaren kideekin komunikatzeko testu-generoen bidez: eskabidea, mezu elektronikoa, akta, aurkezpen-gutuna, curriculuma...
2. modulua: Terminologia eta fraseologia
Eduki teorikoak
2.1 Sarrera
2.2 Hiztegigintza, lexikologia eta terminologia: hitzak eta terminoak (terminologia-unitateak)
2.3 Termino berriak sortzeko bideak: Terminologiarako sorkuntza-bideetan sakontzen
2.4 Izen-sintagma konplexuak
Eduki praktikoak
- Terminologiaren lanketa kontsulta-baliabideen azterketa kritikoaren bidez, termino-zerrenda elebidunak/eleaniztunak lantzearen bidez, eta testu entziklopedikoen eta akademikoen ekoizpenaren bidez
3. modulua: Ekonomia eta enpresa arloko testu-generoak
Eduki teorikoak
3.1 Ekonomia eta enpresa arloko testu-era ohikoenak
3.2. Administrazio Publikoarekin zerikusia duten testu-generoak
3.3 Marketinari lotutako testu-generoak
3.4 Komunikazio digitala
Eduki praktikoak
- Ekonomia eta enpresa arloko testuen ekoizpena eta berrikuspena
4. modulua: Hizkuntzaren erabilera arlo profesionalean
Eduki teorikoak
4.1 Praktika onak, eta hizkuntza-kudeaketa eta euskara planak erakunde publiko eta pribatuetan
4.2 Langileek euskara ikasteko dauden deialdi eta ekimenak
Eduki praktikoak
- Enpresa baten (benetakoa edo asmatutakoa) euskararen egoera aztertu, euskara plana egin, aplikatu eta ebaluatu
MetodologíaAlternar navegación
Ikasleak zein arlotakoak diren kontuan hartuta, irakasgaia ahalik eta praktikoena izan dadin saiatuko da, eta ikasleek hizkuntza-erabiltzaile gisa dituzten (eta izango dituzten) beharretara egokituko da. Helburu horri begira, eskola teorikoak ez dira ariketen eta jarduera praktikoen abiapuntu izango, haien osagarriak baizik.
Gelan egin beharreko ariketez gainera, ikasleek auto-ikasketako eta auto-zuzenketako ariketak ere egin beharko dituzte.
Saio guztiak (eskola magistralak zein praktikoak), ahal dela, informatika-gelan egiten saiatuko da; izan ere, jarduera guztietarako (teorikoak zein praktikoak) e-gela plataforma erabiliko da. Plataforma horretan, ikasleek askotariko materiala eta baliabideak izango dituzte eskura; irakasgaia aurrera eramateko behar duten material guztia (ariketak eta abar), baina baita material osagarria (artikuluak...) eta Web-orri interesgarrietarako estekak ere. Halaber, jardueren egunerokoa izango dute ikasleek. Hartan, egunez egun, egindako jarduerak jasoko dira, teorikoak zein praktikoak; hartara, ikasleak, eskolara huts eginez gero, ez du arazorik izango ikasgaiaren hariari jarraitzeko.
Sistemas de evaluaciónAlternar navegación
- Sistema de Evaluación Continua
- Sistema de Evaluación Final
- Herramientas y porcentajes de calificación:
- Prueba escrita a desarrollar (%): 15
- Prueba tipo test (%): 15
- Defensa oral (%): 15
- Realización de prácticas (ejercicios, casos o problemas) (%): 20
- Proiektua (%): 35
Convocatoria Ordinaria: Orientaciones y RenunciaAlternar navegación
Irakasgaiaren ebaluazioa jarraitua izango da. Ebaluazio jarraituak eskatzen du saio guztietara bertaratzea eta zeregin guztiak garaiz entregatzea. UPV/EHUko Ebaluaziorako 8.3 artikuluaren arabera, ikasleek eskubidea izango dute azken ebaluazio bidez ebaluatuak izateko, etengabeko ebaluazioan parte hartu zein ez hartu. Eskubide hori baliatzeko, ikasleak etengabeko ebaluazioari uko egiten diola jasotzen duen idatzi bat aurkeztu beharko dio irakasgaiaren ardura duen irakasleari eta, horretarako, bederatzi asteko epea izango du lauhilekoko irakasgaien kasuan edo 18 astekoa urteko irakasgaienean, ikastegiko eskola egutegian zehaztutakoarekin bat lauhilekoa edo ikasturtea hasten denetik kontatzen hasita. Irakasgaiaren irakaskuntza gidan epe luzeagoa ezarri ahal izango da.
Horretaz gain, UPV/EHUko Ebaluaziorako arautegiko 12. artikuluaren arabera, deialdiari uko egiten dioten ikasleek «aurkezteke» kalifikazioa jasoko dute. Etengabeko ebaluazioaren kasuan, azken probaren pisua bada irakasgaiko kalifikazioaren %40 baino handiagoa, nahikoa izango da proba horretara ez aurkeztea azken kalifikazioa "aurkezteke" izan dadin. Aldiz, azken probaren pisua bada irakasgaiko kalifikazioaren % 40 edo hori baino txikiagoa, deialdiari uko egin nahi dioten ikasleek kasuan kasuko irakasgaiaren irakaskuntza aldia bukatu baino, gutxienez, hilabete lehenago egin beharko dute eskaria. Eskari hori idatziz aurkeztu beharko zaio irakasgaiaren ardura duen irakasleari.
Ebaluazio jarraiturako tresnak hauek izango dira:
- Idatzizko proba: % 15
- Testa: % 15
- Ahozko defentsa: % 15
- Gelako ariketak/ Praktikak: % 30
- Proiektuak: % 35.
Bukaerako azterketa:
- Irakasgaian landutako gaiei buruzko testa eta ariketak: % 50
- Idazlana: % 35
- Ahozko aurkezpena: % 15
Convocatoria Extraordinaria: Orientaciones y RenunciaAlternar navegación
Ohiko deialdiko formatu bera duen azterketaren bidez ebaluatuko dira ikaskuntzako emaitzak, eta % 100eko balioa izango du:
- Irakasgaian landutako gaiei buruzko testa eta ariketak: % 50
- Idazlana: % 35
- Ahozko aurkezpena: % 15
Materiales de uso obligatorioAlternar navegación
Gela birtualean eskegiko dira
BibliografíaAlternar navegación
Bibliografía básica
ALONSO, I., IRIZAR, A. eta GARRO, E. (2010). Administrazioko testugintzan sakontzeko ikastaroa (Europako erreferentzi marko bateratuko C2 mailara egokitua). Gasteiz: IVAP.
BARONA, I. eta ORIA, K. (2012). Trebakuntzarako ariketa-liburua. Gasteiz: IVAP-HAEE.
BASURTO, M. TIRAPU, J. eta CRESPO, S. (2007). Araugintza ikastaroa. Arauak. Akatsak zuzentzen. Iruñea: Nafarroako Gobernua.
BLANCO, C., & LOBATO, F. (2014). Enpresa-komunikazioa eta bezeroaren arreta. MacMillan Profesional.
EUSKALTZAINDIA (2018). Euskara batuaren eskuliburua (EBE). Donostia: ELKAR.
GARCIA, J. eta GOMEZ, G. (2014). EHULKUren hizkuntza-aholkuak. Fitxa didaktikoen bilduma 2006-2014. Bilbo: UPV/EHUren Argitalpen Zerbitzua.
HAINBATEN ARTEAN (2004-2014). EIMAren Estilo Liburua. Donostia: Eusko Jaurlaritzaren Hezkuntza Saila.
HAINBATEN ARTEAN (2010). Administrazioa Euskaraz Aldizkaria. Gramatika artikuluen bilduma eta ariketak. Gasteiz: IVAP.
Bibliografía de profundización
ARAKAMA, J. M. et al. (2005) IVAPeko Estilo Liburua. Herri Arduralaritzako Euskal Erakundea. Instituto Vasco de Administración Pública
AMATRIA, X. et al. (2009). Komunikazio Elektronikoa. IVAPen gomendioak web-orriak idazteko. Gasteiz: IVAP.
IZO (2018). Itzulpen- eta berrikusketa irizpideak. Erabakiak eta gomendioak. Gasteiz: IVAP.
Revistas
Administrazioan Euskaraz (IVAP)
Ekonomiari buruzko bloga:
http://www.unibertsitatea.net/blogak/ekonomia/
Ekonomiaz aldizkaria:
http://www.ogasun.ejgv.euskadi.eus/r51-k86aekon/eu/k86aEkonomiazWar/ekonomiaz/inicio?locale=eu_ES
Direcciones web
Euskaltzaindiaren Hizkuntza-baliabideak: https://www.euskaltzaindia.eus/hizkuntza-baliabideak
AZPIDAZKI: http://azpidazki.ehu.eus/azpidazki/default.aspx
UPV/EHU kontsultagunea: https://www.ehu.eus/eu/web/euskara/kontsultagunea
Euskara Institutuaren kontsultagunea: https://www.ehu.eus/eu/web/eins/home
LanHitz agirien bankua: http://www.euskara.euskadi.eus/r59-14154/eu/contenidos/informacion/agiriereduen_bankua/eu_agiri_er/agiri_ereduen_bankua.html
AZPIDAZKI itzulpen-memoriak: http://azpidazki.ehu.eus/azpidazki/moduluak/nolaitzulidute/nolaitzuliduteaurreratua.v2.aspx?id=1&locale=eu-ES
ELET: http://www.ivap.ejgv.euskalsarea.eus/elet/Default.aspx
DUDANET: https://apps.euskadi.eus/r61-veddudam/eu/contenidos/informacion/dudanet_hasiera/eu_def/index.shtml
Agiriak.net: http://www.agiriak.net/aurkibide.php
Gizarte Segurantza: http://www.segsocial.es/Internet_4/FormulariosModelos/index.htm
Lan ta lan: http://www.lantalan.com/doc/agiri-ereduak
GruposAlternar navegación
31 Teórico (Euskera - Mañana)Mostrar/ocultar subpáginas
Semanas | Lunes | Martes | Miércoles | Jueves | Viernes |
---|---|---|---|---|---|
1-15 | 14:00-15:00 (1) |
Profesorado
Aula(s) impartición
- Aula 2.4 - FACULTAD DE ECONOMIA Y EMPRESA-SECCION GIPUZKOA (1)
31 P. de Aula-1 (Euskera - Mañana)Mostrar/ocultar subpáginas
Semanas | Lunes | Martes | Miércoles | Jueves | Viernes |
---|---|---|---|---|---|
1-15 | 15:00-16:00 (1) |
Profesorado
Aula(s) impartición
- Aula 2.4 - FACULTAD DE ECONOMIA Y EMPRESA-SECCION GIPUZKOA (1)
31 P. Ordenador-1 (Euskera - Mañana)Mostrar/ocultar subpáginas
Semanas | Lunes | Martes | Miércoles | Jueves | Viernes |
---|---|---|---|---|---|
1-15 | 14:00-16:00 (1) |
Profesorado
Aula(s) impartición
- Aula 2.4 - FACULTAD DE ECONOMIA Y EMPRESA-SECCION GIPUZKOA (1)