Gaztesare egitasmoak gazte euskaldunek sare sozialetan dituzten praktika eleaniztunak aztertu ditu. Helburu horrekin ikertu dira Akitania Berriko, Euskadiko eta Nafarroako gazte unibertsitarioek Instagramen eta Facebooken egiten dituzten hizkuntza-praktika eleaniztunak. Ikerketak harremanetan jarri ditu praktika eleaniztun horiek eta gazteek hizkuntzen eta dialektoen inguruan dituzten irizpide eta balio berriak, betiere gogoan mendebaldeko Europan gazteen balio-egituretan antzeman diren hainbat joera ideologiko berri ere.