UN Etxeak, Eusko Jaurlaritzako Giza Eskubideen eta Biktimen Arretarako Zuzendaritzarekin batera, espezializazio-beka bat eskaintzen du Genevako (Suitza) Nazio Batuen Giza Eskubideetarako Goi Komisarioaren Bulegoaren egoitzan, Euskadiko gazte bati giza eskubideen arloan prestakuntza-esperientzia bat emateko.

Beka hori Haurren eta Gazteen Eskubideen Unitatean garatuko da.

Ezaugarri orokorrak

• Bekaren onuraduna Nazio Batuen Giza Eskubideetarako Goi Komisarioaren Bulegoan sartuko da 6 hilabetez, 2025eko uztailetik abendura. Bekak 18.000 € gordineko zuzkidura ekonomikoa du.
• Bekak Nazio Batuei buruzko aldez aurreko prestakuntza-ikastaro bat barne hartzen du. Prestakuntza hori UN Etxeak emango du Giza Eskubideetarako Goi Komisarioaren Bulegoan sartu aurretik.
• Beka emateak ez du inola ere kontratu-harremanik sortuko bekadunaren eta erakunde bekadunaren edo egonaldi profesionala egiten den erakundearen artean.

Haur eta gazteen eskubideen unitaterako beka

Baldintzak:

1. Euskadin erroldatuta egotea.
2. 30 urtetik beherakoa.
3. Azken bi urteetan lortutako graduko edo graduondoko ikasketak, honako arlo hauetan: zuzenbidea, nazioarteko harremanak, garapen jasangarria, humanitateak, gizarte-zientziak, hezkuntza, zientzia politikoak edo antzeko diziplina bat.
4. Ingelesaren ezagutza bikaina. Frantsesa jakitea baloratuko da.
5. Hainbat iturritatik datorren informazioa bildu, laburbildu eta aztertzeko eta dokumentuak argi eta zehatz idazteko gaitasun ona.
6. Idatzizko eta ahozko komunikaziorako dohain bikainak.
7. Diziplina eta kultura anitzeko ingurune batean taldean lan egiteko gaitasuna.
8. Gizarte zibileko bazkideekin, gobernu-ordezkariekin eta Nazio Batuetako langileekin lan-harreman eraginkorrak ezartzeko eta mantentzeko gaitasuna.
9. MS Officeren ezagutza aurreratuak. Canva eta komunikazioetarako beste diseinu tresna batzuk ezagutzea baloratuko da.
10. Lehentasuna izango dute lehenago UN Etxearen bekarik izan ez dutenek.

Eskaeren tramitazioa

Baldintzak betetzen dituzten interesdunek curriculum vitaea eta motibazio-gutuna (800 hitz gehienez) bidali beharko dituzte, Genevan Giza Eskubideen Beka erreferentzia adieraziz, helbide honetara: gizaeskubideak@unetxea.org

• Curriculumak eta motibazio-gutuna jasotzeko azken eguna: 2025eko martxoaren 31a.
• Hautagaitzak jasotzeko epea 23:59an amaituko da.