Irakasgai honetan, Zuzenbide Penalaren oinarrizko edukia aztertuko du ikasleak. Horrela, irakasgai hau gainditzerakoan, Zuzenbide Penalaren oinarrizko helburuak, printzipioak eta funtzioak menperatzeko gai izango da.



Zuzenbide Penalak eskaintzen dituen tresna guztiak erabiliz (arauketa, jurisprudentzia, doktrina, etab.), arau penalak, delituak eta ondorio juridikoak ulertzeko eta aplikatzeko gaitasunaz gain, errealitate juridiko-penala baloratzeko gaitasun kritikoa ere izango du ikasleak.

1. Terminologia juridiko-penala eta aurkezpen-teknikak behar bezala erabiliz, idatzizko eta ahozko komunikazioa lantzea.



2. Informazio juridikoko iturri ezberdinak (argitalpenak, datu-baseak, etab.) modu egokian erabiltzeko gai izatea.



3. Testu juridikoak (legezkoak, jurisprudentzialak eta doktrinalak) modu kritikoan interpretatzea, laburtzea eta aztertzea.



4. Zigorraren zehaztapenerako arauak kasu zehatzetan aplikatzea.

1. ZATIA. SARRERA



1. Gaia. Zuzenbide Penal objektiboa

2. Gaia. Zuzenbide Penalaren helburua

3. Gaia. Arau juridiko-penala

4. Gaia. Zigorren eta segurtasun-neurrien helburua

5. Gaia. Estatuaren zigortzeko ahalmenaren mugak (I)

6. Gaia. Estatuaren zigortzeko ahalmenaren mugak (II)

7. Gaia. Legedia penalaren aplikazio eremua: denbora-mugak

8. Gaia. Legedia penalaren aplikazio eremua: lurralde-mugak

9. Gaia. Legedia penalaren interpretazioa





2. ZATIA. DELITUAREN ONDORIO JURIDIKOAK



10. Gaia. Zigorren sistema

11. Gaia. Zigor askatasun-gabetzaileak

12. Gaia. Zigor askatasun-gabetzaileen betearazpena ordezkatzea eta etetea

13. Gaia. Bestelako zigorrak

14. Gaia. Zigorraren zehaztapena

15. Gaia. Erantzukizun penala azkentzea eta bere ondorioak

16. Gaia. Segurtasun-neurriak

Klase teorikoa dugu irakasgai honetako gaiak lantzeko tresna nagusia. Ikasleei sortzen zaizkien zalantzak argitzeko eta eztabaidatzeko aukera eskaintzen dute klase teorikoek. Horretarako, ezinbestekoa da ikasleak, irakaslearen argibideak jarraituz, gai bakoitzaren edukia aldez aurretik lantzea.



Klase praktikoei dagokienez, klase teorikoetan azaldutako kontzeptu nagusiek praktikan planteatzen dituzten arazoak aztertzeko aukera ematen dute. Irakasleak kasu praktikoa eta hura ebazteko argibideak aldez aurretik emango dizkie ikasleei. Klasetik kanpo ebatzitako kasu praktikoak astero idatziz entregatu beharko dituzte ikasle guztiek, eta txandaka ahozko aurkezpena egin beharko dute. Horrez gain, Unibertsitatean antolatutako jardunaldietan eta mintegietan parte hartzeko aukera izango dute ikasleek.



Beraz, ikasleen lana aurrez aurreko irakaskuntzan (guztira 60 ordu: 42 teoriko eta 18 praktiko) eta klasetik kanpo egin beharreko lanean banatzen da. Irakasgaia behar bezala prestatzeko, klasetik kanpo 90 ordu erabiltzea komeni da (63 ordu irakurketarako eta azterketarako, eta 27 ordu klase praktikoak prestatzeko). Guztira, hortaz, 150 ordu.

• Final Assessment System
• Tools and qualification percentages:
  • Realization of Practical Work (exercises, cases or problems) (%): 30
  • Examen que podrá ser escrito u oral (%): 70

A. Etengabeko ebaluazioa:



Bi aukera daude, talde bakoitzeko irakasleak aukeratuta.

a) Azken azterketa teorikoa soilik, zati praktikoa asteroko praktiken bidez liberatu bada.

b) Azterketa teorikoa eta praktikoa.

Zati teorikoan lortutako kalifikazioa 5 puntutik (10etik) beherakoa bada, edo galderen heren baten kalifikazioa 2.5 puntu (10etik) edo gutxiagokoa bada, EZ DA azterketa praktikoarekin BATEZBESTEKORIK EGINGO. Kasu horretan, GAURen agertuko den kalifikazioa azterketa teorikoari dagokiona izango da.



B. Azken ebaluazioa (araudiaren arabera klase praktikoetara ez bertaratzeko arrazoirik badago):



Zati teorikoaz eta praktikoaz osatuta egongo da. Zati teorikoan lortutako kalifikazioa 5 puntutik (10etik) beherakoa bada, edo galderen heren baten kalifikazioa 2.5 puntu (10etik) edo gutxiagokoa bada, EZ DA azterketa praktikoarekin BATEZBESTEKORIK EGINGO. Kasu horretan, GAURen agertuko den kalifikazioa azterketa teorikoari dagokiona izango da.

Ebaluaketa-irizpideak ohiko deialdiko berberak dira

Gaurkotuta egongo den Legeria

Basic bibliography

DÍEZ RIPOLLÉS, J.L., Derecho Penal español. Parte General en esquemas, Tirant lo Blanch, Valencia, 2016.



LANDA GOROSTIZA, J-M., Zuzenbide Penaleko Ikasgaiak (Zati Orokorra eta Zati Berezia), Euskal Herriko Unibertsitatea, Bilbo, 2003. [EHUko Web orrialdean eskuragarri].



MIR PUIG, S., Derecho Penal. Parte General, PPU, Barcelona, 2015.



MUÑOZ CONDE, F., GARCIA ARAN, M., Derecho penal. Parte general, Tirant lo Blanch, Valencia, 2015.



QUINTERO OLIVARES, G., Parte General del Derecho Penal. Editorial Aranzadi, Pamplona, 2015.



ROMEO CASABONA, C.M., Derecho Penal. Parte General. Editorial Comares, Granada, 2016.

In-depth bibliography

- ARLUCEA, E: Lecciones de teoría jurídica del delito, Granada, 1999, edit. Comares. - BACIGALUPO, E.: Principios de Derecho penal. Parte General. 5ª ed., Madrid, 1998, Edit. Akal. - BERDUGO GÓMEZ DE LA TORRE, I. / ARROYO ZAPATERO, L.: Manual de Derecho Penal. Parte General. I: Instrumentos y principios básicos del Derecho Penal, Barcelona, 1994, Edit. Praxis. - GARCÍA- PABLOS DE MOLINA, A.: Tratado de Criminología, Introducción. Modelos teóricos explicativos de la criminalidad. Prevención del delito. Sistemas de respuesta al crimen,. 3ª ed., Valencia, 2003, Edit. Tirant lo blanch. - LANDROVE DÍAZ, G.: Introducción al Derecho Penal español. 4ª ed., Madrid, 1996, Edit. Tecnos.

Journals

Actualidad Penal Anuario de Derecho Penal y Ciencias Penales Aranzadi Penal Cuadernos de Derecho Judicial Cuadernos de Derecho Penitenciario Cuadernos Penales y Criminológicos Eguzkilore Eleria La Ley Revista del Poder Judicial Revista Electrónica de Derecho Penal Revista Jurídica de Cataluña

Web addresses

Aranzadi on-line (westlaw) Dialnet CSIC BESTELAKO WEB-GUNEAK Sociedad Internacional de Criminología, Asociación Internacional de Derecho penal, Consejo de Europa, Naciones Unidas, Instituto Max-Planck de Derecho penal extranjero e internacional, de Friburgo de Brisgovia, Instituto Superior de Ciencias Criminales de Siracusa (Italia), Instituto Latinoamericano de Naciones Unidas para la prevención del delito y tratamiento del delincuente (Ilanud) de San José de Costa Rica, Rama de las Naciones Unidas para la prevención del delito y la justicia criminal