Descripción

Ekainaren 2an, osteguna, GeopolitikaZ (GZ) ikerketa taldeak ‘Quiebras y pugnas del tablero político mundial’ liburuaren aurkezpen publikoa egingo du. Asier Blas Mendoza (Politika eta Administrazio Zientzien Saileko irakaslea) eta Jon Kortazar Billelabeitia (Historia Garaikideko doktorea) UPV/EHUko irakasleek parte hartuko dute, Gabirel Ezkurdia Arteaga politologoarekin batera.

Aurkezpenean zenbait eduki jorratuko dira: Lehenik eta behin GZ ikerketa taldearen nondik-norakoak azalduko dira. Bigarrenik obraren edukiaren inguruan hitz egingo da, eta azkenik liburua eguneko nazioarteko testuinguruarekin alderatuko da.