-
45.000 ikasle baino gehiagorekin hasi da 2024/2025 ikasturtea UPV/EHUn
-
UPV/EHUk Palestinako poeta baten olerkia gehitu du bere Poesia Pasealekuan
-
Gema Varona Biktimologiako Munduko Elkarteko lehendakari hautatu dute
-
Adimen artifizialak doitasun nanometrikoz detektatzen ditu minbizia eta infekzio biralak
-
Bederatzi urte ditut eta amaren mugikorra erabiltzen dut
Inés Ibarra-Lecuek jaso du Cannabinoideei buruzko Ikerkuntzarako Espainiako Elkartearen argitalpen zientifiko onenaren saria
UPV/EHUko ikerlariaren lanak medikamentu eta terapia berriak sortzeko bideak irekitzen ditu, kalamuaren kontsumoaren ondoriozko eskizofrenia tratatzeko
- Research
First publication date: 03/10/2018
![](https://www.ehu.eus/documents/10136/10636389/web_Ines_3.jpg/3baebaf4-a68c-62e1-6771-e05e1dc145af?t=1538569301000)
Inés Ibarra-Lecue doktoratu aurreko ikerlariak jaso du Cannabinoideei buruzko Ikerkuntzarako Espainiako Elkartearen (gaztelaniaz, SEIC) argitalpen onenaren saria, doktoratu aurreko bertsioan, Neuropsychopharmacology aldizkarian argitaratutako artikuluarengatik.
Artikuluak kalamua kontsumitu ostean sortzen den eskizofrenia garatzeko arriskuaren areagotzean molekula mailan esku hartzen duten mekanismoak identifikatu ditu, lehenengo aldiz. “THCarekin (kalamu landarearen osagai psikoaktibo nagusiarekin) tratatutako animalien garunetan aldaketa batzuk antzeman ditugu, eta eskizofrenia duten pertsonengan ikusten direnen berdinak dira. Gainera, THCren efektuak ekiditeko gai izan gara, proteina batzuren jarduera etenda”, adierazi du Inés Ibarra-Lecuek.
Ikerkuntzak kalamuaren kontsumoarekin lotutako eskizofrenia duten pertsonen bizitza hobetzeko medikamentu eta terapiak diseinatzeko balio dezake. “Gaixotasun horren tratamenduan erabiltzen diren medikamentuak, sarri, ez dira guk nahi beste eraginkorrak. Lan honetan deskribatzen ditugun proteinak paziente mota hau tratatzeko medikamentu berrien jomuga gisa erabil daitezke”, aurreratu du.
SEIC-ek saritutako lan hau egun Inés Ibarra-Lecue garatzen ari den doktoretza-tesiaren parte bat da, UPV/EHUko Neuropsikofarmakologia ikerketa-taldean, Leyre Urigüen eta Luis F. Callado doktoreen zuzendaritzapean, eta Eusko Jaurlaritzaren ikerlari-prestakuntzarako diru-laguntza bati esker.
Saria Cannabinoideei buruzko Ikerkuntzarako Espainiako Elkartearen 19. urteroko bileran banatuko da Madrilen, 2018ko azaroaren 22tik 24ra bitarte.
Bibliographic reference
- Chronic cannabis promotes pro-hallucinogenic signaling of 5-HT2A receptors through Akt/mTOR pathway.
- Neuropsychopharmacology
- DOI: 10.1038/s41386-018-0076-y.