AIKO Taldeak eta UPV/EHUk sinatutako hitzarmenari esker, unibertsitateko komunitatera zabalduko da 'Dantzaldi ibiltaria' ekimena

• Euskal dantza tradizionalaren ikastaroak Bizkaia Aretoan eskainiko dira, Bilbon, astelehenero, urritik ekainera. Arautegiaren araberako kredituen transferentzia lortu dezakete ikasleek (II kapitulua, 11.artikulua).  Egin klik HEMEN.
•       Euskal dantzen proiektua UPV/EHUn (Argazkia: AIKO Taldea)   

• 

  Sabin Bikandi (AIKO Taldea) & Carmelo Garitaonaindia (UPV/EHU)

AIKO Taldeak, euskal dantza tradizionalak berreskuratzen ari den musikarien eta dantza-maisuen elkarteak, hitzarmen bat sinatu berri du Universidad del País Vasco–Euskal Herriko Unibertsitatearekin eta horri esker unibertsitateko komunitateari eskainiko zaizkio Dantzaldi Ibiltariaren ikastaroak. Ekimen horretan, lantegi, mintegi eta erromeriak barne, Bilboko UPV/EHUren paraninfoan, Bizkaia Aretoan, eskainiko ditu saioak astelehenero, urritik ekainera. Euskal Herriko Unibertsitatearen Bizkaiko Campuseko Kulturbasque programazioaren ekimenetako bat da 2014rako.

Dantzaldi Ibiltariaren bidez, AIKOk mailakako ikastaroetan eskaintzen ditu euskal dantza tradizionalaren errepertorioa, metodo erraza inguru ludikoan erabiliz eta dantza herrikoia gizarteratzera lagunduz. Aukera erakargarri eta naturala da dantzari ekiteko, 2.000 lagunek baino gehiagok hartu dute parte  ikastaro, lantegi, mintegi eta erromerietan. Bilboko Abandoibarra zonaldeko Bizkaia Aretoa eszenatoki bihurtu zen iazko udaberrian ere, AIKO Taldeak girotutako zenbait erromeriek jendetza bildu zuten. Álvaro Sizak diseinatutako Bizkaia Aretoa eraikinak, Iberdrola dorrearen ondoan lekututa, Udaberriko dantzaldiak programaren hiru erromeria hartu zituen, Kulturbasque kultur programazioaren baitan (Bizkaiko Campuseko Errektoretza Ordea).

Graduko ikasleei begira Mintegia

Sustrai tradizionaleko musika eta dantzaren zabalkunde soziala sustatzea kultur ondasun gisa; musika eta dantza tradizionalarekin, eta folklorearekin oro har, lotutako ezagutzak aktiboki transmititzeko laguntzea; eta musika eta dantza tradizionalak aisi jarduera gisa normalizatzeko laguntzea dira, besteak beste, AIKO Taldearen eta UPV/EHUren arteko hitzarmen honen xedeetariko batzuk. Xedeok lortu ahal izateko, dantzak, kontzertuak eta entzunaldiak eskainiko dira, eta horrez gain, jarduera pedagogikoak eta dibulgaziozkoak, hala nola, ikastaroak, mintegiak eta lantegiak. Bizkaia Aretoko Dantzaldi Ibiltariaren ikastaroez gain, UPV/EHUrekin sinatu hitzarmenari esker, “Zure gorputzak badaki dantzan” mintegi espezifiko bat eskainiko zaie Irakasle-Eskolako  ikasleei eta beste edozein Graduko ikasleei, Londoneko Unibertsitateko Etno-Musikologia Doktore Sabin Bikandik eskainia (txistularia eta konpositorea, AIKO Taldeko sortzaileetariko bat da).

AIKO Taldeari buruz

AIKO Taldea, bokazioa amankomuna duten musikari eta dantza-irakasleek osatutako kultur elkartea da, ‘era natural, erlaxatu eta dibertigarrian musika jo eta dantzan egitea’ helburu duena. Horretarako, irakaskuntza-metodo erraz eta jostagarria proposatzen dute DANTZALDI IBILTARIA delako ekimenaren bitartez. Ikasketa musika eta dantzarekiko erabateko gozamena bihurtzen duen metodologia propioa da. Ikastaro egonkorren eta tailer, mintegi eta erromerien bitartez, DANTZALDI IBILTARIAk alternatiba erakargarri eta naturala eskaintzen du dantzan hasteko eta jauzi, soka-dantza, jota, porrua, balsa, mazurka, txotisa, pasodoblea, polka, kontradantza, kontrapasa etabarrekin gozatzeko. Musikaz eta dantzaz erabat gozatzea bideratzen duen beraien metodologia propioa sortu dute. Ekimen honek egiteko modua berrasmatzea dakar, jatorrira bueltatzea, aspaldiko herri ospakizunetan dantzan egiten zen xumetasun eta naturaltasunera itzultzea. Antolatzen dituen jardueren artean ditugu tailerrak, topaketak, erromeriak, nahiz, musika tradizionalaren grabaketak eta argitalpenak, liburu eta DVDak. Dantzaldi Ibiltarian asteroko eskolak 2014ko urritik 2015ko ekainera: Bilbon (Bizkaia Aretoa), Donostian, Iruñean, Azkainen, Durangon, Galdakaon, Gernikan, Markinan, Sopelan…