Egungo Euskararen Hiztegia (EEH)
asetugabeBai, bidea erraztuko ziela, eta haien odol-egarri basatia asetuko ziela denbora puska baterako, ziren astakeriarik beldurgarrienak asmatuz eta bere ahoan jarriz. Karlos Linazasoro «Ez balego beste mundurik», 2000 - 173. orr.
Ibai bereko urean egarria asetu. Xabier Amuriza «Gauzen izaeraz» - Lukrezio, 2001 - 135. orr.
Barre algara eta korroskada artean, asetu baino areago gosea piztu egin zitzaienez, hurrena Erotik-shop batean sartu ziren. Patxi Zubizarreta «Pospolo kaxa bat bezala», 2005 - 59. orr.
Momentu batean aitak pentsatzen du ama asetuta dagoela bere umearekin egotearekin. Arantxa Iturbe «Ai, ama», 1999 - 53. orr.
Bildots asetuek, berriz, jolasean eta ikotika leunean dihardute. Xabier Amuriza «Gauzen izaeraz» - Lukrezio, 2001 - 115. orr.
Alferrekoa baita eta denbora galdua asetuei eta jangurarik gabeei jaten ematen saiatzea. Imanol Unzurrunzaga «Hainbat idazlan» - San Agustin, 2003 - 58. orr.
Realaren diru eskaintzak, ordea, ez zuen Izkoren zuzendaritza taldea asetu. Berria - Kirola 2004-03-18
Neurri horrek, baina, ez ditu erreformazaleen nahiak asetu. Berria - Mundua 2004-01-20
Ura edaten dut lepo, beldurraren egarri guztia asetu arte. Pako Aristi «Venezuela, iraultza isilaren hitzak», 2000 - 48. orr.
Urrun dagoenaren gosea asetu behar du literaturak, baina baita bizitza hurbila zantarra zaionaren grina ere; gauza onak berreskuratu, eta eder ez direnak gainditu. Pako Aristi «Gauza txikien liburua», 2004 - 143. orr.
Hura lehenagoko beste dena bezain zentzugabe zen; premia hura asetu, noiz-eta segundo batzuen buruan lurrera ziplo betiko hilik jaustekotan zenean. Edorta Jimenez «Hemingway eta euskaldunak zerbitzu sekretuetan», 2003 - 257. orr.
Christopher Isherwooden biografia bidaiez eta topaketez beteta dago zein baino zein topaketa ohiz kanpokoagoz, era guztietako ekimenez eta kupidarik gabeko aszesi premia ezin asetuzko batez; jateko, janzteko edo jarrera bitxiarekin bezala, nahitaez argitasuna jasaten deneko leku urrunetarako bidaiarekin lotutako aszesi batez. Berria - Kultura 2004-08-26
Ez zaitu penetratu, baina asetu da. «Eta emakumeari sugeak esan zion», 1999 - 84. orr.
Etxe guztia zegoen pizturik, eta ilunpe ondorengo argi haiek begiak asetu zizkioten. Anton Garikano «Farorantz» - Virginia Woolf, 2001 - 80. orr.
Tolosan aritu zen atzo entrenatzen Ritxar Tirapu, norekin eta Julian Retegi kirol zuzendariarekin harra asetu ezinda dabil oraindik Eratsungoa; izerdi patsetan amaitu zuen. Berria - Kirola 2004-01-02
Herritarren beharrak erreserbekin asetuko dituztela diote gobernuek; industriei ezin diete berme bera eman. Berria - Mundua 2006-01-03
Asetuko al du egiak jendearen irudimen sukartsua? Karlos Linazasoro «Ez balego beste mundurik», 2000 - 83. orr.
Antzekotasunek, aurrerago, antzekotasun sakonagoei utziko diete tartea, konpartitutako pasio zorrotzagoei, konplexuagoei, bereziagoei, edo bitxiagoei; irakurlea, ez da edozein kointzidentziarekin asetuko, ez du edozein antzekotasunekin dardar egingo. Lander Garro «Orain galdera berriak ditut», 2004 - 12. orr.
Garai berrietara moldatuz joan gara, eta enpresen beharrak asetuz joan garenez, zuzenean lan mundura joateko prest daude ikasleak, eta halaxe gertatzen da. Berria - Euskal Herria 2004-03-20
Behin aurtengo bertso irrika asetuta, datorren urteko Txapelketari itxoitea baino ez da geratzen. Berria - Kultura 2004-04-27
Eta nik, hemendik eta handik karlismo borobil eta ofizialaz aseturik, ezari-ezarian, Foruaren eta euskararen defentsa soiletan baineuzkan kokaturik neure bihotza eta neure adimendua. Txillardegi «Putzu», 1999 - 354. orr.
