GIDALIBURUAREN
3. FASEA: KLAUSTRORAKO ETA IKASTEGI
BATZARRERAKO HAUTESKUNDEAK
BOTOA ALDEZ
AURRETIK EMATEA, HAUTESKUNDE MAHAIAK ETA BOZKETA PROZESUA
Botoa aldez aurretik emateko
jarraibideak
Hauteskunde mahaietarako zozketak
Mahaia eratzea eta akta egitea
Zenbat denbora izango dute hautesleek botoa ematera joateko?
Zer egin behar dute mahaiko kideek?
2021eko abenduaren 1etik
(asteazkena) 3ra arte (ostirala), biak barne,
edozein arrazoi dela medio hauteskunde
egunean, abenduaren 13an, hauteskunde barrutian egoterik ez daukan
hautesleak botoa aldez aurretik emateko aukera izango du egun horietan. Aukera horretaz baliatuz gero, ikastegiko idazkari
akademikoak botoa eman izanaren ziurtagiria emango dio hautesleari (honi
erantsita dago eredua).
Hauteskundeei
buruzko arautegi orokorrean jasotakoari jarraituz, ikastegiko zuzendariaren
aurrean eman behar da aldez aurretiko botoa; beraz, ikastegiko idazkari
akademikoak edo eskumenak eskuordetuta dituen pertsonak hartuko du aldez
aurretik emandako botoa. Horretarako
ordutegia jendaurreko arretarako dagoen ordutegi bera izango da eta
argitaratuta egon beharko da lekuan lekukoa.
Botoa alde aurretik emateko, boto txartel ofiziala gutun
azal ofizial itxian sartuko da, eta gutun azal itxi hori, NANaren,
pasaportearen, gidatzeko baimenaren edo unibertsitateko txartelaren
fotokopiarekin batera, beste gutun azal batean sartuko da (identifikazio
dokumentua indarrean egon behar da). Gutun azal hori mahaiko buruari zuzenduta
egongo da, kanpoaldean boto emailearen izen-abizenak eta taldea izango ditu
adierazita, eta boto emaileak hegalean sinatu ondoren zinta itsasgarriaz itxiko
da.
Boto
emaileak hala eskatuz gero, botoa eman izanaren ziurtagiria emango zaio,
honi erantsitako ereduari jarraituz egina.
Ikastegietan
hauteskunde mahaiaren arabera sailkatuko dira aldez aurretik emandako botoak,
kasuan kasuko hauteskunde mahaiko buruari helaraziko zaizkio bozketa egunean
bertan.
Behin botazioa amaituta, horrela emandako botoak boto
kutxan sartuko dira, boto emailea erroldan dagoela egiaztatu ondoren. Hala ere, botoa aldez aurretik eman arren
hautesleak berriro eman badu botoa hauteskunde egunean, aldez aurretik emandako
botoa baliorik gabe geratuko da.
Hautesleak berak eman behar du aldez aurretiko botoa.
Barrutiko hauteskunde batzordeek zozketa egin dute
bozketa egunean, abenduaren 13an, hauteskunde mahaiak osatuko dituzten kideak
aukeratzeko.
UPV/EHUko hauteskundeetan, hauteskunde mahaietarako zozketan
ordezkoak aukeratzen dira txanda bakoitzerako. Bozketa bi txandetan antolatu
daiteke (goizekoa eta arratsaldekoa) ahalik eta gutxien eragozteko eguneko
ohiko jarduna (ikasleek ez dezaten eskolarik galdu, betiere, hori posible den
heinean).
Bozketa baino ordu erdi lehenago (09:30etan), hauteskunde mahaia osatu behar da eta mahaia osatzearen
akta bete, honi erantsitako ereduari jarraituz. Mahai
eratzeko unean, bertan egon behar dira titularrak eta ordezkoak, guztien artean
adosteko zelan antolatuko dituzten txandak.
Hala ere, mahaiko kideak (titularrak eta ordezkoak) alde
aurretik hitz eginda badaude eta adostuta badituzte txandak, nahikoa izango da
mahaia eratzeko unean, 09:30etan, mahaiburua eta bi kide egotea bertan, guztiak
bertaratu gabe, eta horiek izango dira goizeko txanda egingo dutenak.
Ikasleei gogorarazi nahi diegu, bestalde, aukera askeko
kreditua lortzeko edo kreditu erdia lortzeko, egiaztatu egin behar dutela egun osoa
edo egun erdia egon direla mahaian bertan.
Boto emaile bakoitzak bere boto txartela
inprimatu dezake paper zurian, hala eta guztiz, hauteskunde mahai bakoitzean
boto txartelak egongo dira.
Boto txartelak gutun azalean sartu behar dira.
Hauteskunde mahaiak goizeko 10:00etan irekiko
dira, eta mahaiko hautesleen zerrenda izan beharko dute eskura.
Mahai eratzean osatu beharreko akta goitzeko txandako
mahaikide guztiek sinatu eta posta elektronikoz bidali beharko da ondoko
helbidera:
idazkaritza.nagusia.hauteskundeak@ehu.eus
Hauteskunde
mahaia 10:00etatik 18:00etara egongo
da zabalik.
Bozketa-establezimenduek egunean zehar aireztapen
iraunkorra bermatu beharko dute. Ahal dela, aireztapena naturala eta mantendua
izango da. Aireztapena mekanikoa bada, kanpoko airearen sarrera maximizatu
beharko da eta airea birzirkulatzea saihestu. Aireztapen- eta
klimatizazio-sistemek eraikinak eta lokalak erabiltzeko eta mantentzeko
gomendio ofizialak bete beharko dituzte.
Abenduaren 13an boto
eskubidea gauzatzeko, 10 minutuko tartea izango dute eskolen artean
(eskola bakoitzari 10 minutu kenduz).
Botazioa
hasita, mahaiko buruak egiaztatuko du boto emaile bakoitzaren
nortasuna eta begiratuko du ea erroldan dagoen.
Hautesleak beren burua identifikatu beharko du botoa
emateko, eta honako agiriren bat erabili ahal izango du: UPV/EHUko kide dela
egiaztatzen duen txartela, NANa, pasaportea edo gidatzeko baimena.
Mahaikide batek erroldak markatuko ditu, eta beste batek
boto emaile bakoitzaren izena idatziko du zerrenda zenbakidun batean. Horrela,
botoak kontatzean zalantzarik sortuko balitz botoa eman dutenen kopuruaz,
zerrenda hori egiaztabide izango litzateke.
Mahaiak behin egiaztatuta boto emailearen nortasuna eta
behin ziurtatuta erroldan dagoela, boto emaileak boto txartela boto kutxan
sartuko du unean bertan.
Txanda aldaketarako unean, goizeko txandakoak eta arratsaldekoak botazioaren gorabeheren akta betetzen hasiko dira, une
horretan, botoa eman ahalko dute goizeko txandan egon diren mahaikideek.
Botazioa
amaitzeko ordua heltzean (18:00etan),
mahaiburuak botazioa amaitzera doala iragarriko du ozen, eta ez dio inori
gehiago gelan sartzen utziko.
Orduan mahaiko kideek botazioaren gorabeheren aktan jaso
beharko dituzte egunean zehar gertatutako gorabeherak, halakorik egon bada. Ezer apartekorik gertatu ezean, ez da atal hori beteko. Mahaiko kideen ustez garrantzitsuak diren bestelako
egoerak ere jaso daitezke akta horretan.
Botazioa amaituta, botoak zenbatuko dira jendaurrean. Lehenengo eta behin, klaustroa hautatzeko botazioko
txartelak zenbatuko dira. Behin boto guztiak zenbatuta, mahaiak erreklamazioak ebatziko ditu.
BOTOAK MAHAIKO KIDEEK BAINO EZ DITUZTE ZENBATUKO; BERAZ, EZIN IZANGO DITU
BESTE INORK UKITU EZ BOTO TXARTELAK EZ BOTO KUTXA.
Boto baliogabeak eta boto zuriak
Hauteskundeei buruzko arautegi orokorreko 8. artikulua
aipatzen du, eta horrek, hain zuzen ere, ondokoa dio:
Boto baliogabeak izango dira:
a) Boto txartel ez ofizialetan
emandako botoak edo oharren bat duten txarteletan, edo izenen bat ezabatuta edo
aldatuta dutenak.
b) Hautagai zerrenda bat baino
gehiago adierazita dutenak (zerrenda bat baino gehiago daukaten txartelak
direnean); gutun azalean hautagai desberdinen txartelak edo aukera desberdineko
txartelak (hautagai bat eta boto zuria) sartuta dituztenak.
c) Gutun azal ez ofizialetan emandako botoak edo
gorabeheraren bat dutenak edo txartel ez ofizialak dituzten gutun azaletakoak.
Boto zuriak izango dira:
a) Txartel ofiziala zuriz
daukatenak.
b) Hautagai zerrendarik aukeratuta
ez dutenak (zerrenda bat baino gehiago daukaten txartelak direnean).
c) Boto txartelik ez daukaten gutun azalak.
Horrexegatik,
kontu handia izan behar da eta botoak zenbatzean ondo banatu behar dira, alde
batetik, botoak zenbatzeko hustutako gutun azalak, eta, bestetik, boto
txartelik gabe (hutsik) sartu diren gutun azalak, boto zuri direnak.
Botoak
zenbatu eta erreklamazioak ebatzi ondoren, boto zenbaketaren akta beteko da
(eredu arautuari jarraituz), eta arratsaldeko txandan egon diren mahaikide
guztiek sinatuko dute.
Aktan jaso
beharrekoak dira: hautesle kopurua eta boto emaileak, txartel baliogabeen
kopurua eta txartel baliodunak; txartel baliodunen artean berariaz adierazi
beharko da zenbat izan diren boto zuriak, eta zenbat hautagai bakoitzak
lortutako boto kopurua. Halaber,
erreklamazioak, hartutako erabakiak eta gorabeherak ere adierazi beharko dira.
Boto zenbaketa behin amaituta, mahaiko buruak posta
elektronikoz berehala bidaliko dizkio emaitzak Hauteskunde Batzorde Nagusiari
helbide honetara:
idazkaritza.nagusia.hauteskundeak@ehu.eus
Akten
jatorrizkoak biharamunean (abenduaren 14an) bidaliko zaizkio Hauteskunde
Batzorde Nagusiari bere egoitzara (Idazkaritza Nagusira).
Emaitzak
behin betiko aldarrikatu ondoren (abenduaren 20an, edo 21ean), suntsitu
egingo dira boto txartelak (ingurugirorako jasangarria den prozeduraren bat
erabilita), erreklamazioren bat izan dutenak izan ezik.
Mahaiek argitara emango dituzte emaitzak aktak sinatu
bezain laster. Horretarako, aktak fotokopiatu eta ikastegietako hauteskunde
oholetan eskegiko dituzte.
BOTOA ALDEZ AURRETIK EMAN IZANAREN ZIURTAGIRIA UNIBERTSITATEKO
KLAUSTRORAKO HAUTESKUNDEAK 2021 |
Nik,
...........................................................................................jaunak/andreak,
ikastegiko idazkari akademikoak (ikastegia:
...............................................................) , honako hau
ziurtatzen dut: ...................................................................jaunak/andreak
(NAN zenbakia: ...........................; ikasleen aukeraketarako, aldez
aurretik eman du Klaustrorako hauteskundeetarako botoa ikastegi honetan eta
nire aurrean ..............................(e)ko ........................(a)ren
........................(e)an.
Sin.: ……………………………………….
....................................
(IDAZKARI AKADEMIKOAK ESKUORDETUTA)
|
BOTOA ALDEZ AURRETIK EMAN IZANAREN ZIURTAGIRIA IKASTEGIKO BATZARRERAKO
HAUTESKUNDEAK 2021 |
Nik,
...........................................................................................jaunak/andreak,
ikastegiko idazkari akademikoak
(ikastegia:........................................................................),
honako hau ziurtatzen dut:
...................................................................jaunak/andreak
(NAN zenbakia: ...........................; ikasleen aukeraketarako, aldez
aurretik eman du Ikastegiko Batzarrerako hauteskundeetarako botoa ikastegi
honetan eta nire aurrean ..............................(e)ko
........................(a)ren ........................(e)an.
Sin.: ……………………………………….
....................................
(IDAZKARI AKADEMIKOAK ESKUORDETUTA)