GIDALIBURUAREN 2. FASEA: HAUTAGAI IZATEKO BALDINTZAK ETA BARRUTIKO HAUTESKUNDE BATZORDEAK.

HAUTAGAI AURKEZTEKO BALDINTZAK.. 2

HAUTESKUNDE BARRUTIAK ETA HAUTAGAI ZERRENDAK.. 3

BARRUTIKO HAUTESKUNDE BATZORDEAK.. 3

ANTOLAKETA LANAK.. 6
KLAUSTRORAKO HAUTESKUNDEETARAKO HAUTAGAITZA EREDUA.. 7
IKASTEGIRAKO HAUTESKUNDEETARAKO HAUTAGAITZA EREDUA.. 8

HAUTAGAI AURKEZTEKO BALDINTZAK

Klaustroko ordezkari izateko hautagai zerrendak, kolektiboak, itxiak eta ordenatuak, ikastegi bakoitzeko Hauteskunde Batzorde presidenteari zuzenduak izango dira; Giza zientzien titulazioan izan ezik, hauek, Hauteskunde Batzorde Nagusiko presidenteari zuzenduak izango dira. Hautagaitzak aurkeztuak izango dira idazkaritza.nagusia.hauteskundeak@ehu.eus korreo elektronikoz edo UPV/EHUko erregistro elektronikoaren bidez https://egoitza.ehu.eus/eu/registro-electronico helbidea erabiliz, «Jasotzailea» atalean, Idazkaritza Nagusia/Secretaria General aukeratuz. Adierazitako moduan ezin bada aurkeztu, salbuezpen moduan, hautagaitzak unibertsitateko erregistro-bulego laguntzaileetan aurkeztu ahal izango dira.

Hautagaitzak 2021eko azaroaren 11ko, 12:00ak baino lehen aurkeztu beharko dira.

Hautagai zerrenda guztiak sinatuta egon beharko dira, hau da, hautagai guztien jatorrizko sinadurak izan beharko dituzte. Hautagai zerrendan gutxien dela bi kide izan behar dira zehaztuta, emakumezkoen eta gizonezkoen arteko oreka gorde behar da eta zerrendan bata emakumezkoa, bestea gizonezkoa, bata emakumezkoa, bestea gizonezkoa...izan behar dira. Hautagai zerrendetan ordezkoak aurkeztu ahal izango dira.

Hautagai zerrenda baten ez badira gutxieneko bi kide jasotzen, sinaduraren bat falta bada, edo sinaduraren bat jatorrizkoa ez bada, edo ez bada gordetzen genero oreka, Hauteskunde Batzordeak behin-behinekoz onartuko du hautagai zerrenda, baina honako baldintza honekin: azaroaren 17ko 12:00etarako hautagaitza zuzendua izan beharko da. Zuzendua ez bada, hautagaitza betiko baztertuko da.

Hauteskundeei buruzko Arautegi Orokorreko 16.3 artikuluaren arabera, hautagai zerrenda bakoitzak, ahal izanez gero, posta elektronikoko helbide bat edo harremanetarako baliabide arinen bat zehaztuko du, barrutiko hauteskunde batzordeak, berak bakarrik, prozesu guztian erabili ahalko duena agiriak eskatzeko, informazioa bidaltzeko edo hautagai zerrendei eskariak egiteko; horrela, azkar eman ahal izango zaie hauteskunde batzordeak hartutako erabakien berri hautagai zerrendei, eta hauteskunde prozesua bizkorragoa eta eraginkorragoa izango da.

Hautagai zerrenda aurkezteko eredu bat doa gidaliburu honekin batera, eta hori erabiltzea gomendatzen da.

HAUTESKUNDE BARRUTIAK ETA HAUTAGAI ZERRENDAK

Hautagai zerrendak hauteskunde barrutiari lotuta daude.

Graduko eta masterreko ikasleentzat hauteskunde barrutia ikastegia da.

Doktorego ikasleen barrutia doktorego eskola da, eta hautagai zerrenda aurkez dezakete Doktoregoa ikasleen erroldetan agertzen diren pertsona guztiek (ikasketa horiek egiten diren ikastegietan argitara emandako erroldetan, alegia), ikasketak egiten ari diren ikastegia edo campusa edozein delarik ere.

Azkenik, Giza Zientzietako titulazioko (Esperientzia Gelak ) ikasleen barrutia ere UPV/EHU da, eta hautagai zerrenda aurkez dezakete ikasketa horietako ikasleen erroldan agertzen diren pertsona guztiek (Araba, Gipuzkoa eta Bizkaiko ikastegietan argitara emandako erroldetan, alegia), ikasketak egiten ari diren campusa edozein delarik ere.

BARRUTIKO HAUTESKUNDE BATZORDEAK

Ikastegiko hauteskunde batzordeek egiaztatu behar dute hautagai zerrendak osatzen dituzten kide guztiek bete egiten dituztela hautagai izan ahal izateko baldintza guztiak.

Ikastegietako hauteskunde batzordeek toki egokietan argitaratuko dituzte hauteskunde prozesura aurkeztutako hautagai zerrendak.

Ikastegiko hauteskunde batzorde batek ikusiko balu hautagai zerrenda batek ez dituela betetzen bete beharreko baldintzak, akatsak zuzentzeko epea eman behar zaio hautagai zerrendari.

Berebat, behin-behineko aldarrikapena egin ondoren, inpugnazioak aurkeztu ahal izango dira.

Inpugnazioak eta zuzenketak korreo elektronikoz aurkeztu beharko dira idazkaritza.nagusia.hauteskundeak@ehu.eus korreo elektronikoan, edo UPV/EHUko erregistro elektronikoaren bidez https://egoitza.ehu.eus/eu/registro-electronico helbidea erabiliz, «Jasotzailea» atalean, Idazkaritza Nagusia/Secretaria General aukeratuz. Adierazitako moduan ezin bada aurkeztu, salbuezpen moduan, inpugnazio eta zuzenketak unibertsitateko erregistro-bulego laguntzaileetan aurkeztu ahal izango dira.

Inpugnazio eta zuzenketa epea 2021eko azaroaren 17an, eguerdiko 12:00etan bukatzen da.

Hauteskunde Batzorde Nagusiak ebatziko ditu inpugnazioak eta behin betiko hautagai zerrendak aldarrikatuko ditu; era berean, zerrenda horiek ikastegietako eta campusetako iragarki oholetan argitaratzeko agindua emango du. Behin betiko hautagai zerrendak 2021eko azaroaren 17an aldarrikatuko dira.

Bestalde, barrutiko batzordeei dagokie hauteskunde mahaietako kideen zozketa egitea (3 kide eta ordezkoak), bai eta mahaiak egoki osatu direla egiaztatzea ere.

Horren harira, gogorarazi nahi diegu unibertsitateko kide guztiei NAHITAEZ ONARTU BEHAR DUTELA MAHAIKO KIDE IZATEA.

HAUTESKUNDE MAHAIAK

A) Hauteskunde mahaien osaera eta horietarako zozketak:

Mahaien osaerarako, ez da zozketan sartuko hautagai izateko onartutakorik.

Ikasleek Klaustroan izango dituzten ordezkariak, eta hala dagokionean, Ikastegiko Batzarrean izango dituztenak aukeratzeko, hauteskunde mahai bateratuak eratzea aholkatzen da.

Mahaiburua izango da ikastegiko dekanoa edo zuzendaria, edo honek eskuordetutako pertsona; eta hiru mahaikideetatik, bi ikasle ikastegiko ikasleen erroldatik aukeratuko dira zozketa bidez, eta bestea, Doktorego Eskolako ikasleen erroldatik.

Mahaien postu bakoitzerako hiru pertsona zozketatu behar dira.

Hauteskunde mahaiko kide izatea egokituz gero, nahitaezkoa da eginkizun hori betetzea, behar bezala egiaztatutako bidezko arrazoirik izan ezean. Horrelakoetan, idatzi bidez egin beharko zaio uko izendapenari, idatzia Ikastegiko Hauteskunde Batzordeko idazkariari zuzenduta eta izendapenerako jakinarazpenean zehaztutako epearen barruan; ez bertaratzea arrazoirik gabe, dagokion zehapena eraman dezake.

Ikastegiko Hauteskunde Batzordeko idazkariari dagokio zozketa bidez aukeratu diren eta kargua onartu ezina egiaztatzeko arrazoiak eta agiriak dituzten pertsonen alegazioak hartzea. Betebehar akademikoak ez dira arrazoi justifikatutzat hartuko; izan ere, hauteskunde egunean lehentasuna baitaukate hauteskundeekin lotutako erantzukizunek. Justifikatutako arrazoi guztiak egiaztatzeko agiriak aurkeztu beharko dira, ez du balio soilik alegazioa aurkezteak.

Zozketa egun berean, zozketaren emaitza jakinarazi behar zaie zozketa bidez izendatutako pertsonei. Pertsona horiek 2021eko azaroaren 23ko 12:00etara arteko epea izango dute kargua onartu ezina justifikatzeko arrazoiak aurkezteko.

Giza Zientzien titulazioan, hauteskunde mahai bat eratuko da campus bakoitzean, Hauteskunde Batzorde Nagusiak egingo duen zozketa baten bidez.

Ahalegin guztiak eginda ere, mahaiko zenbait kide bertaratu ez direlako ezinezkoa bada mahaia eratzea, mahaiburuak erabakiko du hauteskundeak behar bezala egiteko egokien diren pertsonak.

B) Ikuskariak izendatzeko eskaria:

Klaustrorako hautagaiek hauteskunde mahaietarako ikuskariak izendatzeko eskaera egin diezaiokete Hauteskunde Batzorde Nagusiari, abenduaren 1eko 12:00etara arte. Eskarian zehaztuta egon beharko dira proposatu nahi diren ikuskarien izen-deiturak, helbidea eta telefonoa, eta horrekin batera interesatuek sinatutako onarpen idatziak aurkeztu beharko dira. Ikuskari titularra eta ordezkoa izendatu ahalko dira, hartara txandak egin ahal izango dituzte hauteskunde egunean.

Idazkari nagusiak izendatuko ditu ikuskariok eta berehala emango die horren berri ikastegietako hauteskunde batzordeei.

Ikuskariak ezin izango dira izan hauteskunde mahaietako kide.

HAUTESKUNDE KANPAINA

Barrutiko Hauteskunde Batzordeak bilera bat egingo du hautagaiekin, hauteskunde kanpainarako egutegia adosteko. Hauteskundeetako propaganda ekitaldiak behin betiko hautagai zerrendak aldarrikatu eta gero hasiko dira (2021eko azaroaren 17an), eta botoa emateko eguna baino 24 ordu lehenago bukatuko dira.

Klaustroaren Funtzionamenduari buruzko Arautegiak ezarritakoaren arabera, ikasleen hautagai bakoitzak eskolako ordubete izango du ikastegi bakoitzean programa azaltzeko. Ordu horretan eten egingo dira eskolak, eta leku egokia utziko zaio zeregin hori betetzeko. Barrutiko hauteskunde batzordeek erabakiko dute ordubetea nola antolatu; izan ere, aukera bat izan daiteke ordu hori tarteetan banatzea, hartara ez baita izango irakasgai bakarra eragindakoa.

ANTOLAKETA LANAK

Botoa emateko txartel ofizialak eta gutun azalak Ikastegiko Hauteskunde Batzordeak onartuko ditu azaroaren 17ko bileran. Komenigarria litzateke hautagai zerrenda bakoitzerako boto txartel bat izatea, botoak errazago zenbatzen direlako, baina, dena dela, denak formatu eta kolore berekoak izan behar dira.

Bozketan gutun azalak erabili beharko dira nahitaez eta, gainera, gutun azal guztiak berdinak izan beharko dira.

Botoa emateko txartelak eta gutun azalak abenduaren 1erako egin behar dira, egun horretan hasiko delako botoa aldez aurretik emateko epea.

KLAUSTRORAKO HAUTESKUNDEETARAKO HAUTAGAI ZERRENDA EREDUA

	MARKATU DAGOKION LAUKIA
GRADUKO ETA MASTERREKO IKASLEAK (ikastegika adierazi)
DOKTOREGO IKASLEAK
ESPERIENTZIA GELETAKO IKASLEAK

HAUTAGAI ZERRENDAREN IZENA:

ABIZENAK ETA IZENA	NAN	SINADURA (JATORRIZKOA)
1.
2.
3.
4.
5.
6.
7.
8.
9.

POSTA ELEKTRONIKOKO HELBIDEA EDO TELEFONOA:

……………(e)n, …………(e)ko …………aren ………(e)an.

IKASTEGIKO BATZARRERAKO HAUTAGAI ZERRENDA EREDUA

· (Jarri ikastegiaren izena).........................................KO IKASLEAK

HAUTAGAI ZERRENDAREN IZENA:

ABIZENAK ETA IZENA	NAN	SINADURA (JATORRIZKOA)
1.
2.
3.
4.
5.
6.
7.
8.
9.

POSTA ELEKTRONIKOKO HELBIDEA ETA TELEFONO ZENBAKIA:

……………(e)n, …………(e)ko …………aren ………(e)an.