|
UPV/EHUko IKASLEEN
SEKTOREAN EGIN BEHAR DIREN KLAUSTRORAKO ETA, HALA DAGOKIONEAN, IKASTEGIKO
BATZARRETARAKO HAUTESKUNDEETARAKO ESKULIBURUAREN 1. FASEA |
INOLA JAKIN DEZAKET HAUTESLE ERROLDAN NAGOEN?
ZER EGINGO DUT ERROLDAN EZ BANAGO?
NOLA AURKEZTEN DA INPUGNAZIO BAT?
SARRERA
Gobernu Kontseiluak, 2021eko
irailaren 23an egindako bileran, Unibertsitateko Klaustrorako
hauteskundeetarako deia egitea erabaki zuen, ikasleen sektorean, eranskin gisa
atxiki den egutegiaren arabera. Ikasleen
ordezkaritza duten 53 pertsonak, datorren abenduaren 13an hautatuko dira.
Klaustrorako
53 postuak UPV/EHUren ikastegi ezberdinen artean banatzen dira, gutxien dela,
bana ordezkari ikastegi edo doktorego eskola bakoitzeko esleituta.
Honetarako, giza zientzien
titulazioa (Esperientzia Gelak deiturikoa) ikastegi bakar bat bezala hartzen da
eta ordezkari bakar bat esleitzen zaio. Gainontzeko ordezkariak (32) ikastegien artean banatuko
dira, kidego honek ikastegi bakoitzean daukan proportzio erlatiboaren arabera.
Behin
behineko banaketa ikastegi guztietara igortzen da ikastegiko iragarki tauletan
erroldekin batera argitara dadin. Erroldei egindako inpugnazioak ebatzi
ondoren, behin betiko bihurtzen da erroldekin batera, Hauteskunde Batzorde
Nagusiak hala erabakita.
Honez gain, hauteskunde hauekin
bat etorrita, ikastegi gehienetan ikastegi batzarreko ordezkariak ere hautatuko
dituzte tokian tokiko ikasleek; ikasle hauek Ikastegiko ikasle kontseilua
osatuko dute.
ERROLDAK
OSATZEKO IRIZPIDEAK
Errolda
2021eko urriaren 28an itxiko da.
Idazkaritza nagusi honek
erroldak osatuko ditu GAUR aplikazioko errolden programaren bidez eta ikastegi
guztietara igorriko ditu ikastegiari atxikitako ikasleen behin behineko
erroldak, bai eta UPV/EHUren Doktorego Eskolari adskribaturik egonik, botoa
ikastegi horretan botoa emanen duten ikasleena eta ikastegi
bakoitzari dagozkien klaustrokideen behin-behineko esleipena ere; dokumentu
hauek 2021eko urriaren 29an iragarki
taulan jarri behar dira.
Ikastegiak hala eskatu
badu, Idazkaritza Nagusiak Ikastegiko Batzarraren hauteskundeetan baliatu
beharreko errolda ere osatu eta igorriko dio.
Sufragio aktiborako (botoa emateko) eskubidea gauzatzeko baldintzak hautesle erroldak ixteko egunean bete beharko
dira, hau da, urriaren 28an, eta botazioaren egunera arte bete
beharko dira.
NOLA JAKIN DEZAKET
HAUTESLE ERROLDAN NAGOEN?
Errolda urriaren 29an
argitaratuko da ikastegi guztietako iragarki oholetan eta bertan egongo da
abenduaren 13ra arte. Hortaz, errolda
zauden ala ez jakiteko lehenengo modua zeure ikastegira (zeuk ikasteko erabili
edo adskribatu zaizunera) joatea da.
Ikasleek GAURren bidez ere kontsultatu ahal izango dute errolda. Zein bere datuak egiaztatu ondoren,
ezkerreko zutabean aukera berri bat dutela ikusiko dute: “Errolda”, eta horren
azpian “Klaustrorako hauteskundeak – Errolda” eta “Ikastegiko Batzarrerako
hauteskundeak – Errolda” azpiatalak (ikusi irudia). Aukera honen gainean klik eginez,
norberaren erroldako datuak ageriko dira. Azkenik, inpugnazio
txantiloi bat eskuratzeko aukera ere
ageri da aplikazioan, datuak ez badira zuzenak edo aplikazioak mezu hau
erakusten badizu: “ez dago errolda-daturik 2021-2022 ikasturtean”
Nahiz eta datuak
web orrian kontsultatu ahal izan, erroldak
ez dira inoiz ere hor agertuko.
ZER EGINGO DUT ERROLDAN EZ
BANAGO?
Inpugnazioa
aurkeztu.
NOLA AURKEZTEN DA INPUGNAZIO BAT?
Inpugnazioa
azaroaren 4ko (osteguna) 12.00ak baino lehen web txantiloiaren bidez aurkeztu behar da,
Hauteskunde Batzorde Nagusiko buruari zuzenduta; edo idatziz UPV/EHUko egoitza
elektronikoaren barruan, hauteskunde erroldaren aurka egiteko prozeduren
katalogoan (https://egoitza.ehu.eus/eu/catalogo-de-servicios)
Web bidezko txantiloia
erabiliz gero, aplikazioan ohar bat azaltzen da mezua ondo bidali dela esateko. Horrelako oharrik jasotzen ez
baduzu, Idazkaritza Nagusiarekin jarri harremanetan idazkaritza.nagusia.hauteskundeak@ehu.eus posta
elektronikoaren bidez edo, bestela, inpugnazio bat aurkeztu egoitza
elektronikoan.
Txantiloia
betetzeko klikatu hemen: TXANTILOIA
Hauteskunde
Batzorde Nagusiak egiaztatuko ditu erroldetan egindako zuzenketak, eta okerrik
edo hutsik antzemanez gero, zuzendu eta inpugnazioak ebatziko ditu. Horretarako,
ikastegiko hauteskunde batzordeak inpugnazioei buruzko txostena egin eta
erabakia, proposamenarekin batera, Hauteskunde Batzorde Nagusiari igorriko dio,
hark behin betiko erroldak aldarrika
ditzan 2021eko azaroaren 5ean.
Behin
betiko zerrendekin batera klaustroko ordezkarien banaketa zehaztuko da.
HAUTESKUNDE
BARRUTIA
Graduko eta
graduondoko ikasleen hauteskunde barrutia ikastegia da; UPV/EHUko Doktorego
eskolako eta Esperientzia Geletako ikasleen hauteskunde barrutia UPV/EHU osoa.
I.ERANSKINA
IKASLEEN
KLAUSTRORAKO HAUTESKUNDEETARAKO EGUTEGIA. 2021
|
-
Hauteskundeak egiteko erabakia
argitaratzea:
|
2021eko urriaren 27an (asteazkena) |
|
-
Errolda ixtea: |
2021eko urriaren 28an (osteguna) |
|
-
Behin-behineko errolda
argitaratzea:
|
2021eko urriaren 29an (ostirala) |
|
-
Errolda inpugnatzea: |
2021eko azaroaren 4ko 12.00ak arte (osteguna) |
|
-
Behin betiko errolda argitaratzea: |
2021eko azaroaren 5ean (ostirala) |
|
-
Hautagai zerrendak aurkezteko
azken eguna:
|
2021eko azaroaren 11ko 12.00ak arte (osteguna) |
|
- Behin-behineko
hautagai zerrendak aldarrikatzea: |
2021eko azaroaren 12an (ostirala) |
|
-
Hautagai zerrendak inpugnatzea: |
2021eko azaroaren 17ko 12.00ak arte (asteazkena) |
|
- Behin
betiko hautagai zerrendak aldarrikatzea: |
2021eko azaroaren 17an (asteazkena) |
|
|
|
|
BOZKETA: |
2021ko abenduaren 13an
(astelehena) |
|
|
|
|
- Klaustrokideen
behin-behineko zerrenda aldarrikatzea: |
2021eko abenduaren 14an (asteartea) |
|
-
Jatorrizko espedientea Hauteskunde
Batzorde Nagusiari igortzea: |
2021eko abenduaren 14an (asteartea) |
|
-
Klaustrokideen behin-behineko
zerrendaren inpugnazioa: |
2021eko abenduaren 17ko 12.00ak arte (ostirala) |
|
- Klaustrokideen
behin betiko zerrenda aldarrikatzea: |
2021eko abenduaren 17an (ostirala) |
|
|
|
BOTOA
AURRETIK EMATEKO EGUNAK: ABENDUAREN
1ean, 2an eta 3an