INGURUMENA, IRAUNKORTASUNA ETA GIH MASTERRAREN AITORPENA
Ingurumena, Iraunkortasuna eta GIH Masterrak Nazio Batuen aitorpena jaso du duela gutxi, GIHak ezartzeko jardunbide egokien eredu gisa.
Nazio Batuek Partnerships for SDGs plataforma sortu zuten, hainbat eragileren arteko itunen bidez GIHak ezartzen lagun zezaketen programak, proiektuak eta ekintzak (tokikoak, eskualdekoak, naziokoak…) ezagutzera emateko.
Esparru horretan, jardunbide egokitzat aitortu den masterraren hautagaitza aurkeztu zen. Jardunbide egokitzat jo da, batetik, irakasle eta ikasleak diziplina anitzekoak direlako eta, bestetik, unibertsitateen, erakunde publikoen eta enpresaren artean lankidetza sortzen delako master amaierako lanen (MAL) tutorizazioan eta ikasleek egiten dituzten praktiketan.