ECOSISTEMAS ALDIZKARIA: ZIENTZIA-KUDEAKETA-GIZARTEA INTERFAZEA KONTSERBAZIOAREN ESPARRUAN: AURRERAPEN KONTZEPTUALAK ETA METODOLOGIAKOAK
Lurraren Ekologiaren Espainiako Elkarteak argitaratzen duen Ecosistemas aldizkariaren 29. bolumena, 1. zenbakia (2020ko urtarrila-apirila), monografiko bat da, “Zientzia-kudeaketa-gizartea interfazea kontserbazioaren esparruan: aurrerapen kontzeptualak eta metodologikoak” izenburukoa.
Monografiko horretan gonbidatu dituzten argitaratzaileen artean Ibone Ametzaga-Arregi eta Maria Viota daude, UNESCO Katedrakoak, eta haiekin batera ditugu María Dolores López Rodríguez eta Fco. Javier Cabello. Artikulu editorialean, Iraunkortasunaren Zientzien hainbat hurbilpen kontzeptual eta metodologiko azaltzen dituzte, aldaketa globalaren erronkei heltzeko erantzun gisa. Gainera, monografikoa osatzen duten lanak aurkezten dituzte, erresilientzia handiagoko sozioekosistemen alderako trantsizioa errazteko beharrezkoak diren zientzia-kudeaketa-gizartea solasaldiak sustatzeko lagungarri gisa.
Argitalpen honetan bildu diren lanen artean badira 4 artikulu aipagarri, aldizkariaren gaiarekin lotura zuzena dutenak, eta komunikazio gisa aurkeztu zirenak “Kudeaketa eta Zientziaren arteko zubiak eraikitzen. Iraunkortasunerako ikerketa Biosfera Erreserbetan. Iraunkortasunerako 2030 Agendari ekarpenak” izenburuko kongresuan, Urdaibaiko (Bizkaia) Biosfera Erreserban egindakoa, 2019ko azaroaren 13tik 15era bitartean.