Prozesu fisiopatologikoak, haien adierazpenak eta helduaroan osasun eta gaixotasun egoerak baldintzatzen dituzten arrisku faktoreak. Osasun asalduretan eman beharreko oinarrizko erizain zainketak.

Irakasgaia Erizaintzako Graduaren lehen kurtsoan kokatuta dago eta bertan lantzen diren gaitasunak oso garrantzitsuak dira Praktika Zaintzaren Hastapena eta Erizaintzako Zientzietako gainontzeko irakasgaietako gaitasunak garatzeko; bereziki, Erizaintza Klinikoa adarreko irakasgaietakoak.

Derrigorrezkoa da irakasgai hau gainditzea Practicum IV eta V irakasgaietan matrikulatzea posible izateko.

Garatu beharreko gaitasunak.



GE1. Bizi egoera arriskutsuak identifikatzea eta osasun-gaixotasun prozesuan oinarrizko zainketen aplikazioa argudiatzea, konplikazioak prebenitzeko eta pertsonen ongizatea mantendu edo handitzeko.



GE2. Simulazio klinikoaren bidez, erizaintzako oinarrizko zainketak emateko teknikak eta prozedurak eta oinarrizko bizi euskarri maniobrak egitea.

I.GAI MULTZOA: PATOLOGIAREN SARRERA.

1. gaia: Erizaintzako zainketa integralak. Patologiaren kontzeptua eta ezaugarriak.



II. GAI MULTZOA: ERIZAINTZAKO OINARRIZKO ZAINKETAK.

1. gaia: Bizi-konstanteen balorazioa.

2. gaia: Asepsia neurriak eta higienea.

3. gaia: Sendagaien tratamenduak dituzten pertsonei eman beharreko zainketak.

4. gaia: Laginak jasotzea.

5. gaia: Larruazalaren zainketak.



III. GAI MULTZOA: BIZI EGOERA ARRISKUTSUAK ETA ZAINKETA ARLOAK.

1. gaia: Oinarrizko Bihotz Biriketako Bizkortzea.

2. gaia: Erizaintza jarduerak beste larrialdi egoeretan.

Jarduera metodologikoak.

-Irakasleak ahozko azalpenak emango ditu ordu teoriko-praktikoetan, landutako kontzeptuak ikasleak aztertu eta barneratu ditzan.

-Testuak eta bestelako dokumentuak irakurtzea eta bideoak ikustea.

-Bakarka edo/eta taldeka ariketak egitea.

-Erizaintzako prozedurak egitea material klinikoarekin eta simulagailuekin.

• Ebaluazio Jarraituaren Sistema
• Azken Ebaluazioaren Sistema
• Kalifikazioko tresnak eta ehunekoak:
  • Praktikak egitea (ariketak, kasuak edo buruketak) (%): 30
  • Mota ezberdinetako probak (%): 70

Etika akademikoari eta egite ez-egokiak edo iruzurrak ebaluazio frogetan eta lan akademikoetan ekiditeko asmoz UPV/EHU-ko protokoloan aditzera ematen denaren arabera, irakasleak lehen klase egunean ikaslearen gida azaltzen duenean, zehaztasun handienarekin eta ahalik eta argien azalduko ditu ebaluazioari begira erabiliko diren materialak, baliabideak eta errekurtsoak (teknologikoak edo beste era batekoak). Era berean, jardun akademikoa eta haren ebaluazio prozesuak gobernatzen dituzten arauak azalduko dira eta horien kontrako jokabideek izango dituzten ondorioak. Irakasgaiaren hasieran derrigorrezkoa izango da sinatuta entregatzea “Materiala ondo erabiltzeko konpromiso-dokumentua” eta “Jardun akademikoaren arauak betetzeko konpromiso-dokumentua”.



Irakasgaiaren irakasleriak ETENGABEKO EBALUAZIOA proposatzen du era honetan: erizaintzaren oinarrizko prozedurak egiteko gaitasunaren ebaluazio jarraitua eginez, bakarka eta/edo taldeka egingo diren zereginen ebaluazioarekin eta amaierako probarekin ezagutzen ebaluazioa eginez.



GAITASUNEK PISU HAU IZANGO DUTE:

E1: % 70 (% 40 mota ezberdinetako probak aurrez-aurrekoak seihilekoan zehar eta % 30 azterketa egutegian adierazitako egunean proba aurrez-aurrekoa). Azterketa egutegiko egunean egin beharreko proba gainditu egin beharko eta ezinbestetzat hartzen diren atalak eta/edo galderak ere ongi egin beharko dira E1 gaitasuna gainditzeko.

E2: % 30 praktika simulatuen ebaluazio jarraitua, aurrez aurre. E2 gaitasuna gainditzeko zehaztutako proba praktikoak gainditu beharko dira.

Irakasgaia gainditzeko E1 eta E2 gaitasunak gainditzea ezinbestekoa izango da.

Etengabeko ebaluazioa egin ahal izateko, praktika orduetan parte hartzea derrigorrezkoa izango da.



AZKEN EBALUAZIOAREN SISTEMA:

Ikasleek eskubidea izango dute azken ebaluazio bidez ebaluatuak izateko, etengabeko ebaluazioan parte hartu zein ez hartu. Eskubide hori baliatzeko, ikasleak etengabeko ebaluazioari uko egiten diola adierazten duen idatzi bat aurkeztu beharko dio irakasgaiaren ardura duen irakasleari, indarrean dagoen Ebaluazio Arautegia jarraituz eta ikastegiko eskola egutegia kontuan hartuz. Idatzi hori aurkezteko azken eguna martxoaren 12a izango da. Azken ebaluazio horrek ondorengo haztapena izango luke:

E1: % 70 aurrez-aurreko proba idatziak. E1 gaitasuna gainditzeko, ezinbestekotzat hartzen diren atalak eta/edo galderak ongi egin beharko dira.

E2: % 30 proba praktikoak aurrez aurre. E2 gaitasuna gainditzeko zehaztutako proba praktikoak gainditu beharko dira.

Irakasgaia gainditzeko, E1 eta E2 gaitasunak gainditzea ezinbestekoa izango da.



EBALUAZIO DEIALDIARI UKO EGITEA:

Deialdiari uko egiten dioten ikasleek "aurkezteke" kalifikazioa jasoko dute.

Ebaluazio jarraituaren kasuan, Graduko titulu ofizialetako ikasleen Ebaluazioaren Araudi erregulatzaileko 12.2 artikuluan jarritakoaren arabera, azkeneko probaren pisua irakasgaiaren kalifikazioaren % 40 baino gehiagokoa bada, deialdira uko egiteko nahikoa izango da probara ez aurkeztearekin. Era horretan, aktan ez-aurkeztua jarriko delarik.

Azken ebaluazioaren kasuan, azterketa egun ofizialean egin beharreko probara ez aurkezte hutsak ekarriko du automatikoki deialdiari uko egitea.

EZ-OHIKO DEIALDIAN ebaluazioa honela egingo da:

Ohiko deialdian gainditutako gaitasunaren nota gorde egingo da ez-ohiko deialdia arte.

E1: % 70 aurrez-aurreko proba idatziak. E1 gaitasuna gainditzeko, idatzizko probetan adierazitako ezinbesteko atalak eta/edo galderak ondo egin beharko dira.

E2: % 30 proba praktikoak aurrez aurre. E2 gaitasuna gainditzeko zehaztutako proba praktikoak gainditu beharko dira.

Irakasgaia gainditzeko, E1 eta E2 gaitasunak gainditzea ezinbestekoa izango da.



EBALUAZIO DEIALDIARI UKO EGITEA:

Azterketa egun ofizialean egin beharreko probara ez aurkezte hutsak ekarriko du automatikoki deialdiari uko egitea.

Egela plataforma birtualean egongo den materiala.
EHUtb plataforman dauden bideoak, irakasgaiarekin zerikusia dutenak (egelan bideoei buruzko informazioa argitaratuko da).

Oinarrizko bibliografia

-Uranga Iturriotz MJ eta Huizi Egilegor X. (2004). Medikuntza eta Kirurgia Erizaintza. Oinarriak eta Prozedurak. Usurbil: Elhuyar Fundazioa.

-RNAO. (2021). Guía de buenas prácticas. Acceso vascular (2. edizioa). Toronto: RNAO.

-RNAO. (2016). Guía de buenas prácticas. Valoración y manejo de las lesiones por presión para equipos interprofesionales (3. edizioa). Toronto: RNAO.

-RNAO. (2013). Guía de buenas prácticas clínicas. Valoración y manejo del dolor (3. edizioa). Toronto: RNAO.

-RNAO. (2005). Guía de buenas prácticas en enfermería. Cuidados y mantenimiento de los accesos vasculares para reducir las complicaciones. Toronto: RNAO.

-RNAO. (2004). Guía de buenas prácticas en enfermería. Administración de insulina subcutánea en adultos con diabetes tipo 2. Toronto: RNAO.

Gehiago sakontzeko bibliografia

-Diccionario Mosby. (2000). Medicina, Enfermería y Ciencias de la Salud. (5. edizioa). Harcourt. Mosby.
-Garay Rubio, T. eta besteak. (2001). Erizaintzako Prozeduren Eskuliburua. Manual de Procedimientos de Enfermería. Basurtoko Ospitalea. Osakidetza. Eusko Jaurlaritzako Osasun Saila.
-Garro Beristain M.A. (1997). Giza Fisiologia. Gipuzkoa: Elhuyar.
-Hinkle, J. L., & Cheever K. H. (2019). Brunner y Suddart. Tratado de Enfermería Médico Quirúrgica. (14. edizioa). Barcelona: Wolters Kluber.
-Marambio Correa, H. Marambio Correa, H., Berger Vila, K., eta Rubio Aramburo, V. (2015). Principales procedimientos básicos de enfermería: para profesionales y estudiantes de Ciencias de la Salud. Santiago, Txile: RIL editores. Hemendik eskuratua: https://elibro-net.ehu.idm.oclc.org/es/ereader/ehu/68331?page=158
-Pérez De La Plaza, E., eta Fernández Espinosa A. M. (2013). Técnicas básicas de enfermería. Madril: McGraw-Hill. Hemendik eskuratua: https://elibro-net.ehu.idm.oclc.org/es/ereader/ehu/50211?page=340
-Perry AG, Potter PA. (2019). Guía Mosby de habilidades y procedimientos en Enfermería (9. edizioa). Bartzelona: Elsevier.
-Potter P., Perry A., Stockert P. eta Hall A. (2015). Fundamentos de Enfermería (8. Ed.). Bartzelona: Elsevier.
-Smith S.F., Duell D.J., Martin B.C., Aebersold M.L., eta Gonzalez L. (2018). Habilidades para enfermería clínica. I eta II liburukiak (9. arg.). Madril: Pearson Educación.

Web helbideak

http://www.evidenciaencuidados.es/evidenciaencuidados/evidencia/evidencia_recursos_RNAO.php
https://dialnet.unirioja.es/
https://medlineplus.gov/spanish/encyclopedia.html
https://www.fisterra.com/acceso-institucional/