|
|
|
|
HELBURUAK
-
Isolamendu akustikoaren
eta absortzio akustikoaren arteko ezberdintasuna ezagutzea.
-
Isolamendu akustikoa
deskribatzea.
-
Areto baten
isolamendu-azterketaren urratsak ezagutzea.
|
DESKRIBAPENA
Soinu-uhinak oztopo bat atzematen dutenean, soinuaren
presio-aldakuntzek oztopoa bibrarazten dute. Uhinek
garraiatzen duten bibrazio-energiaren zati batek oztopoa
zeharkatzen du eta, oztopoaren beste aldeko airea kitzikatuz,
soinua sortzen du. Uhinen energiaren beste zati bat oztopoaren
barnean disipatu egiten da eta horregatik transmititzen den
energia gutxiago da.
Energia erasotzailea (Ei) bitan banatzen da:
islatutako energia (Er) berriro hasierako mediora
bueltatzen dena, eta zurgatutako energia (Ea),
islatzen ez den guztia. Aldiberean, zurgatutako energia ere
bitan banatzen da: materialean disipatutako energia (Ed),
eta beste aldeko mediora transmititzen dena (Et).
|
|
 |
|
 |
|
Isolamendu
akustikoaren deskribapena
Horma
batek duen gaitasuna soinu-uhinak transmititzeko
transmisio-galeren bitartez adierazten da. Galera hauetan
eragina duten parametroak honakoak dira: materialaren masa
azalera unitateko, zurruntasuna, eta indargetzea. Ohizko
eraikuntzetan galera hauek 30 eta 70 dB bitartekoak dira. |
|
Isolamendu akustiko on bat
lortzeko behar diren materialak, gogorrak, astunak eta ahal
izan ezkero malguak izan behar dira. Material ohizkoenak
(hormigoia, terrazoa, altzairua, beruna, etab) nahikoa
zurrunak eta poro-gabeak dira isolatzaile onak izateko. |
|
Isolamendu
akustikoaren kalkulua
Areto baten
isolamendu akustiko totalerako muga guztiak hartu behar dira
kontutan: adibidez, aretoz kanpoko zarata-maila edo areto
barnean onargarri den zarata-maila maximoa.
|
|
Isolamendu
akustiko nahasiaren kalkulua
Eraikuntza batean
normala izaten da material ezberdinak erabiltzea eta beraz
isolamendu-gaitasunak ere ezberdinak dituzte. Elementu nahasi
baten (ateak, leihoak, etab...) isolamendu akustiko globalean
ondoko aldagaiek dute eragina: atal bakoitzaren azalera, eta
material konkretuaren isolamendua. |
|
Normalean
hormetako atal txarrenak soinu-isolamenduarekiko leihoak eta
ateak izaten dira. Leihoetako kristalen lodiera, adibidez,
isolamendu akustikorako oinarrizkoa izaten da. Ateekin gauza
bera gertatzen da, bere egitura oso garrantzi handikoa dela
isolamendu akustikorako: atea beira-zuntzez edo fieltroz
beterik badago, markoetako zirrikituak, eta abar.
| |
|
Horma batean zehar
transmitituriko energia akustikoaren kalkulua |
|
40 dB(A)-ko maila maximoa duen areto baten isolamendu
akustikoa |
|
GALDERAK
a
Soinu-uhinak horma batera iristean, soinu erasotzailearen
energia zein zatitan banatzen da?
-
zati bat islatu eta beste zatia transmititu.
-
zati bat islatu eta beste zatia hormak berak
zurgatu
-
zati bat islatu eta beste zatia horman disipatu.
-
zati bat islatu eta beste zatia atzealdean
disipatu.
b Areto bat
akustikoki isolatzeak zer esan nahi du?
-
kanpoko zaratatik babestea.
-
aretoko hormetako islapenak gutxitzea.
-
aretora sartzen den energia maximoa izatea.
-
aretotik kanpora irteten den energia minimoa
izatea.
c Soinuaren frekuentzia
hirukoizten bada, horma sinple baten isolamendua nola
aldatzen da?
-
3 bider
handiagoa da.
-
9.5 bider handiagoa da.
-
43 bider handiagoa.
-
ezin da kalkulatu
datu hauekin
d
Presio akustikoaren maila igorlean eta hartzailean hurrenez
hurren, Lp1 = 90 dB
eta Lp2 =
45dB dira. Zenbat balio du hormaren isolamendu akustikoaren
indizeak?
-
R = 45
dB
-
R = 135
dB
-
R = 0
dB
-
R = 95
dB
e
Horma batek honako neurriak ditu: 3m x 4m eta leiho bat 1 m
x 1 m. Hormaren isolamendua 50 dB bada eta leihoarena
30 dB, zenbat balio du
isolamendu globalak?
-
80 dB
-
40.6 dB
-
48.4 dB
-
20 dB
Emaitzak:
a2 b1 c2 d1
e2 | |
ESTEKAK
Beste
instituzio batzuen helbide edo baliabideak ezagutu nahi badituzu bisita
itzazu ondoko esteka honetan ageri direnak:
| |
