DESKRIBAPENA

Soinu-aparatu elektronikoak multzo ezberdinetan sailka daitezke: sortzaileak, prozesatzaileak, grabatzaileak, erreproduzitzaileak, eta transduktoreak. Horietako bakoitzak eginkizun konkretu bat du: sortzaileek soinua sortu egiten dute, prozesatzaileek soinua eraldatu egiten dute, grabatzaileek gorde egiten dute nonbait, gerora erreproduzitzaileak erreproduzitu ahal izateko. Denek darabilte soinua, baina ez presio-uhin gisa, tentsio elektrikoaren fluktuazio gisa baizik. Eta atal ezberdinen arteko lotura transduktoreen bitartez egiten da.

Soinu-prozesaketa

Prozesatzaileek soinu bat jaso, mikrofonoz hartuta zein sintetizatua, eta soinu ezberdin bat bihurtzen dute, modu kontrolatuan moldatua. Merkatuan badaude efektu ezberdinetarako aparatuak, bakoitza prozesu-mota konkretu baterako. Aparatu konkretuak aipatu beharrean, hobe da metodoak eurak aztertzea, zeren gaur egun aparatu berriak asmatzen ari dira, zenbait prozesadore ezberdin biltzen dituztenak, eta gainera ordenagailua gero eta erabiliagoa da funtzio hauetarako.

MIDI

MIDI hitza akronimoa da: Musical Instrument Digital Interface. Alegia, instrumentu elektroniko ezberdinen arteko komunikaziorako sortutako hizkuntza: adibidez, sintetizagailuak, erritmo-kutxak, ordenagailuak eta abar elkarren arteko komunikazioan jartzeko, fabrikatzaile ezberdinetakoak izan arren. 1983 urtean sortu zen, ordura arte sistema bakoitzak bere mikroprozesadore-mota erabiltzen zuen, eta hizkuntza ezberdina; horregatik instrumentu ezberdinen arteko komunikazioa ia ezinezkoa zen.  

Ordenadore bidezko konposaketa

Antzinako ideia bat da, musika konposatzea eta idaztea zorizko prozedurak erabilita. XVIII mendeko konposatzaile batzuk, Joseph Haydn eta Philip Emanuel Bach, adibidez, honelako konposaketak sortzen jolasten zuten. Mozartek berak ere dadoentzako jolas musikal bat idatzi zuen: nota-multzo alternatibo batzuk segida batean, minuet baten konpas estandar bakoitzerako. Konpas bakoitzean jo behar diren notak erabakitzeko dadoa bota behar da. 1950 urtean John Piercek proposatu zuen lehenengoz, ordenagailuak programatuz eta modu aleatorioan aukeratuta, nota-segidak erabaki zitezkeela; aurretiaz finkatutako arau bat betetzen ez dituzten nota guztiak baztertu eta honela melodiak sor daitezke. Esperimentu ugariak egin ziren, eta lan honen guztiaren ondorio garrantzitsuena ez ziren izan lortutako konposizioak, konposizio-metodoak ulertzen lagundu zutela baizik. Orokorrean, konposaketa-lana bi ataletan burutzen da: lehena, konposaketa-prozesuak arrazionalki definitu behar dituena, eta bigarrena, ordenagailua kodifikatzea.

Jakina, hau ez da ordenagailuaren erabilpen arrakastatsu bakarra musikaren esparruan. Soinu-sintesiaz gain beste erabilpen asko ere aipa daitezke, adibidez, musikaren irakaskuntza interaktiboa, musikaren ikerketa, konposaketa-arauen analisia, eta abar.

ADIBIDE ETA SIMULAZIOAK

GALDERAK

a Zer egiten du soinu-prozesagailu batek?

1. soinua gorde.                                                                         

2. soinua sortu.                                                                           

3. soinua eraldatu                                                                             

4. soinua erreproduzitu

b Soinu bi nahastean:

1. euren altuerak aldatzen dira                                                        

2. anplitude instantaneoak gehitzen dira                                                       

3. frekuentzia bereko partzial guztiak gehitzen dira

4. inguratzaileak aldatzen dira

c Zer da MIDI-a?  

1. maisu bat eta esklabo bat 

2. sekuentziadore bat           

3. konbertsore bat eta kontroladore bat

4. hizkuntza bat 

d Ordenagailua musika konposatzeko erabiltzen denean metodo determinista batez:

1. notak aukeratzeko dadoak erabiltzen dira.

2. musika sortzean notak aleatorioki aukeratzen dira.

3. musika sortzean zoriak ez du zerikusirik.

4. notak sortzeko ordenagailu bat erabiltzen da.

e Fraktalen ezaugarria da:

1. euren artean antzekoak direla

2. ez dira euren artean antzekoak

3. denboran zehar paraleloki eboluzionatzen dute

4. ekuazio iteratiboak

  Emaitzak:  a3   b2   c4   d3   e1  

MULTIMEDIA ETA WEB BALIABIDEAK

Gai honetaz gehiago irakurri nahi baduzu, ondoko estekan erreferentziak aurkituko dituzu:   , eta gero honako atalean  .