DESKRIBAPENA

Areto batean soinua desagertzen den arte denbora bat pasatzen da, baina denbora hori soinuaren beraren hasierako intentsitatearen araberakoa da. Areto ezberdinen arteko konparaketak egin ahal izateko magnitude bat definitu beharko da, soinuaren intentsitatearen hasierako balioaren independentea dena. Areto baten erreberberazio-denbora honela definitzen da: soinu batek bere hasierako balioaren milioirena izatera iristeko behar duen denbora, edo bestela esanda, intentsitate akustikoa hasierako balioaren azpitik 60 dezibelio jaitsi denean. Adibidez, Milaneko Scala antzokiaren erreberberazio-denbora 1.2 s da, eta Coloniako Katedralarena 13 s.

Erreberberazio-denbora neurtzea

Areto batean erreberberazio-denboraren neurketa ezberdinak egiten badira, hasierako soinu-intentsitate ezberdinekin egin arren, beti lortzen dira antzeko balioak, baina neurketak areto ezberdinetan errepikatzen badira balio ezberdinak lortzen dira areto bakoitzerako.

Erreberberazio-denbora kalkulatzea

Soinu-iturri bat areto baten barnean isiltzen denean, soinua desagertu arte iragaten den denbora islapen bakoitzean absorbitzen den energiaren araberakoa da.

ADIBIDE ETA SIMULAZIOAK

Areto baten portaera soinuarekiko karakterizatu ahal izateko, erreberberazio-denbora kalkulatzea hurbilketa bat baino ez da, eta aretoa eraikita dagoenean, T-ren balioak moldatu egiten dira aretoa jendez beteta dagoenerako. Hau arazo bat da aretoa beteta ez dagoenean, eserleku hutsek eta pertsonek ez dutelako berdin absorbitzen eta oso zaila da soinua pertsona batek bezala absorbitzen duten eserlekuak diseinatzea. Auditorio batzuetako eserlekuek zulotxo batzuk izaten dituzte beheko aldean, horrela tolestuta daudenean maiztasun altuak zurgatzen dituzte, pertsona bat gainean eserita dagoenean gertatzen den antzera.

Erreberberazio-denboraren balio optimoak

Erreberberazio-denboraren balio optimoa aretoaren erabileraren araberakoa da. Erreberberazio-denbora luzea bada soinu ezberdin guztiak aldi berean gainezarriko dira, eta laburregia bada soinu intentsitate-maila baxua izango da. Horregatik konpromiso bat lortu behar da alde batetik gutxieneko intentsitate-maila eta bestetik soinuaren ulergarritasuna. Hitzaldietarako aretoetan ulergarritasuna da ezaugarri nagusia, eta horregatik elementu zurgatzaile ugari kokatu behar dira erreberberazio-denbora ahalik eta laburrena izan dadin. Horrelako kasuetan intentsitate-maila baxua bada, anplifikatze elektrikoa instalatu behar da aretoan zehar sakabanatuta. Bestetik, aretoa musika emanaldietarako erabiliko bada erreberberazio-denbora luzeagoa izan daiteke intentsitate-maila egokia lortu nahian.

GALDERAK

a Areto batean, soinua entzunezina bilakatzeko denbora, zeren menpekoa da?

1. bere bukaerako intentsitatearen menpekoa.

2. bere bukaerako eta hasierako intentsitateen menpekoa.

3. bere hasierako intentsitatearen menpekoa.

4. soinu-iturriaren eta bukaerako intentsitatearen menpekoa.

b Areto batean erreberberazio-denboraren zenbait neurketa errepikatzen dira, hasierako soinu intentsitate-maila ezberdinekin. Lortutako emaitzak beti dira:

MULTIMEDIA ETA WEB BALIABIDEAK

Gai honetaz gehiago irakurri nahi baduzu, ondoko estekan erreferentziak aurkituko dituzu:   , eta gero honako atalean  .