DESKRIBAPENA

Areto itxietan soinua behin eta berriz eta etengabe hormetan, zoruan eta sabaian islatzen da. Entzuketan, soinu zuzenaz gain, inguruetako gainazaletan behin edo gehiagotan islatutako soinua ere entzuten dira. Fenomeno hau erreberberazioa da. Horma guztiak islatzaile perfektuak balira prozesu honek mugagabe iraungo luke, infinituki. Gainazal errealek ordea, ez dute soinu osoa islatzen, heltzen zaien soinuaren parte bat zurgatu egiten dutelako, eta horregatik erreberberazioak iraupen mugatua dauka.

Soinu zuzena eta erreberberazio-eremua

Soinu-iturri batek iraupen luzeko soinu bat emititzen duenean, entzule bakoitzarengana aldi berean soinu zuzena eta uhinaren islapen ugariak iristen dira, eta soinu bakoitzak ibilbide ezberdinak ibili ondoren, luzera ezberdinekoak, gainera anplitude ezberdinak izango dituzte.

Areto baten erreberberazioa kuantifikatzeko erreberberazio-denbora definitzen da, T, edo soinu baten intentsitatea hasierako balioaren milioirena izan arte iragandako denbora. Magnitude hau aretoaren tamainaren, barneko gainazalen materialen eta soinuaren maiztasunaren menpekoa da.

ADIBIDE ETA SIMULAZIOAK

Erreberberazioaren eskema

GALDERAK

a  Nola deitzen da areto itxietan, sabaian, hormetan eta zoruan, soinuaren islapenaren eraginez gertatzen den fenomenoa?

1. zurgapena

2. difrakzioa

3. erreberberazioa

4. transmisioa

b Areto itxi batean soinu-iturri batek soinua ekoizten duenean, entzule bakoitzarengana zer iristen da?

1. soinu zuzena soilik.

2. soinu zuzena eta islapenak.

3. soinu zuzenaren islapenak soilik

4. soinu zuzena edo islapenak entzulearen posizioaren arabera.

c Areto itxi batean, islapen anizkoitzen eraginez, nolakoa da soinuaren intentsitatea?

1. edozein areto irekitan baino handiagoa

2. zenbait areto irekitan baino txikiagoa

3. edozein areto irekitan baino txikiagoa

4. zenbait areto irekitan baino handiagoa

d Areto itxi batean nolakoa da soinuaren intentsitatea?

1. ez du zerikusirik sabaiaren, zoruaren eta hormen materialekin

2. ez du zerikusirik sabaiaren materialarekin.

3. hormetako materialekin ez du zerikusirik

4. hormetako materialen araberakoa da.

e Soinu iturriaren erradiazioa ezberdina bada norabide ezberdinetan, aretoaren erradioa zeren araberakoa da?

1. erreberberazio-eremuaren araberakoa, txikia bada

2. soinu zuzenarena, handia bada

3. iturriaren norabide-patroiarena

4. denborarena, txikia bada

  Emaitzak:  a3   b2   c1   d4   e3  

MULTIMEDIA ETA WEB BALIABIDEAK

Gai honetaz gehiago irakurri nahi baduzu, ondoko estekan erreferentziak aurkituko dituzu:   , eta gero honako atalean  .