SAREUS proiektuaren helburua da “Euskadiko lehorreratze-sarea ezartzea, arreta berezia jarriz itsas espezieen laginak biltzeari eta katalogatzeari, bai eta hondoa jotako animalia biziak babesteari ere, euskal kostaldeko itsas espezieak hobeto babesteko eta kudeatzeko“, eta bat egiten du 2011-2017 aldirako Natura Ondare eta Biodibertsitate Plan Estrategikoarekin.

Mehatxatutako espezieen kontserbazio-egoera eta babesa ezagutzea funtsezkoa da. Lehorreratzeei buruzko datuek Espainiako Itsas Estrategien (41/2010 Legea) eta Europar Batasuneko Itsas Estrategiaren (2008/56/EE) helburuak betetzeko balioko dute.

Gainera, proiektuak sistematizatu egingo du Biobankuan sartzea Estatuko eta nazioarteko ikertzaileentzako lehorreratzeen laginak, hala eskatzen badute. Asmoa da sareak, gainera, lehorreratutako itsas espezie biziak erreskatatzeko eta birgaitzeko balio izatea, erakunde publikoekin lankidetzan.