Masterraren gakoak
Fisika kuantikoa zientziaren eta ingeniaritzaren erdigunean kokatzen da, mende berri honetan. Master honen programak erabat aitortzen du hori, zientzia eta teknologia kuantikoen hainbat alderditan oinarri solido bat eskaintzen baitu. Unibertsitateko irakasleek eta Ikerbasqueko ikertzaileek irakaskuntza eta tutoretza ardurak hartu dituzte bere gain, eta irakaskuntzan zein ikerkuntzan esperientzia handia dute.
Gure helburua da ikasleek fisikaren baitako zein fisikatik kanpoko akademia- zein lanbide-ibilbideak hautatzeko nahikoa ezaguera eta esperientzia eskaintzea, eta fisikaren eta teknologia kuantikoen abangoardian ikerketak egiteko gaitasuna eskuratuko dute.
Master hau ikerkuntza jardunera dago bideratuta, doktorego ikasketen aurreko urrats gisa. Ikasleek bi lanbide-ibilbideren artean hauta dezakete: Oinarrizko Fisika (Grabitazioa, Kosmologia, Materia Kondentsatua eta Eremu Kuantikoa) eta Informazioa eta Teknologia Kuantikoa, edo baita bien gainezarpena. Programak ikasleei ezaguerak eskuratu, sortu eta aurkezteko gaitasunak eskainiko dizkie, eta enfasi berezia ipintzen du ikerketa-talde baten barneko banakako lanean eta ekimenean.