RENATUR PROIEKTUA: hiri-inguruko eremuen ondare naturala babesteko eskualde mailako politikak hobetuko dira
UPV/EHUko Landare Biologia eta Ekologia saileko eta Garapen Iraunkorrari eta Ingurumen Hezkuntzari buruzko UNESCO Katedrako ikertzaileak eskualde mailako RENATUR-INTERREG Europe proiektuaren partaideak dira. UPV/EHUz gain, Europako beste 6 erakundek hartzen dute parte: Martin Luther University Halle-Wittenberg (MLU, Alemania) proiektuko liderrak, Flandriako Lur Agentziak (Belgika), Goi-Sajoniako Eskualde eta Garraio Garapenerako Ministerioak (Alemania), Hajdú-Bihar Konderriko Gobernuak (Hungaria), Mazoviako Garapenerako Agentziak (Polonia) eta Kranj hiriko Enpresa Laguntzarako Zentroak (Eslovenia). Proiektuak 4 urteko iraupena du (2019ko abuztua-2023ko uztaila), eta 1,27 milioi euroko aurrekontua du hiri-inguruko eremu irekietako ondare naturalaren babesa hobetzeko (PUOS- Peri-Urban Open Spaces) eskualde mailako politikak hobetuz.
RENATUR proiektuaren barnean, PUOSetako ondare naturalaren babesari lotuta, jardunbide egokiko politika-tresnak identifikatuko, aztertuko eta transferituko dira. RENATURen helburuak hauek izango dira: Ekosistemak eta horien zerbitzuak BABESTEA, biodibertsitatea mantentzea eta galera murriztea, ekosistemen fragmentazioa saihestea eta horien arteko konexioa hobetzea; lurzoruaren inpermeabilizazioa murriztea eta lurralde antolamenduaren esparruan azpiegitura berdeen kontzeptuari buruz kontzientziatzea. Proiektuaren Koordinatzaile Nagusiaren hitzetan, MLU Geozientzien eta Geografiaren Institutuko Marcin Spyra Doktorearen hitzetan «RENATUR proiektuaren bidez, bai biztanleentzat baita naturarentzat ere, hiri-inguruko eremu irekiek zer esan nahi duten kontzientziazioa sortu nahi dugu “.
RENATUR proiektuaren barnean, eskualde mailako jardunaldi tematikoak egingo dira, eskualde eta toki-mailako zenbait eragileren parte-hartze aktiboaren bidez: eskualdeko teknikariak eta agintariak, interes-taldeak, elkarteak, sektore pribatua, esparru akademikoak eta hedabideetakoak, besteak beste. Guztira, sei jardunaldi egingo dira, sei hilean behin gutxi gorabehera, proiektuaren 1. fasea amaitu arte (2022ko ekaina). Proiektuan parte hartzen duten eskualde bakoitzean ekintza-plan bat egin ahal izateko, «Garrantzitsua da lurraldeko eragile garrantzitsu guztiek parte hartzea» azpimarratu du Ibone Ametzaga Doktoreak, UPV/EHUko RENATUR proiektuko Ikertzaile Nagusiak. «Euskadiko ekosistema naturalak oso zatikatuta daude, eta lurraldean erabilera ugari gertatzen dira batera, era ez iraunkorrean askotan«, adierazi du Ibonek. Eskualdeko lehen jardunaldia aurtengo urtarrilean egin zen, eta ekainean beste jardunaldi bat egitea aurreikusten da. «Euskadiko eragileekin batera lan egitea gustatuko litzaiguke, bertoko herritarrak barne, Euskadiko PUOSak identifikatzeko, eta ondare naturala kontserbatzeko egin diren kudeaketa egokiak kontuan hartzeko eta horrela jardunbide egokiak egin daitezen«, esan du Ibonek. Bizi dugun osasun krisia dela eta, formatu erdi-presentziala aukeratu da, edukiera mugatuarekin, “streaming” bidez ere emango da, ekainaren 12an Bizkaia Aretoan.
Azkenik, RENATUR-INTERREG Europe proiektuan eskualdeen arteko jardunaldi tematikoak ere badaude, eskualde bakoitzeko eragileen parte-hartze aktiboaren bidez. Jardunaldi hauek eskualdeen arteko esperientzien trukaketa dira, in situ bisiten bidez eta eskualde horretako adibideak eragile adituen bikotekako berrikuspenaren bidez antolatzen dira. Lehenengo jardunaldi tematikoa Anberesen (Belgika) egin zen, maiatzaren 25etik 28ra bitartean, Flandriako Lurralde Agentziak (VLM) antolatuta. Osasun krisia dela eta, ekitaldi hori online egitea erronka teknikoa eta pertsonala izan da, eta antolatzaileek eta parte-hartzaileek onena jarri dute ekitaldia egiteko. Jardunaldira Flandriako eskualdeko eragile garrantzitsuak, Ihoberen ordezkari bat eta UPV/EHUko proiektuko bazkideak bertaratu ziren, eta Flandriako aztergaiari buruzko beraien ezagutza azaldu zuten.