15th EUROPEAN ECOLOGICAL FEDERATION (EEF) CONGRESS AND 18th NATIONAL MEETING
Uztailaren 29tik abuztuaren 2ra, UNESCO Katedrako Leire Méndezek parte hartuko du «15th European Ecological Federation (EEF) Congress and 18th National SPECO Meeting» Europako Ekologia Federazioaren 15. kongresuan. Lisboan (Portugal) egingo da.
Freshwater regulating ecosystem services in Urdaibai´s Biosphere Reserve: an integrated approach aurkeztuko duen txostenak ibai-ekosistemak erregulatzeko 3 zerbitzuren ebaluazioei buruzko emaitzak azalduko ditu, ezinbestekoak Urdaibaiko Biosfera Erreserbaren ingurumen-iraunkortasuna lortzeko. Mota horretako lanak lagungarriak izan daitezke berrezarpen ekimenen diagnostikoa egiteko, ikuspuntu multifuntzional batetik, arro hidrologikoaren mailan azpiegitura berde eta urdinen sare koherentea egiteko. Gainera, ibilbide-orri bat zehazten laguntzen dute 2030 urterako Garapen iraunkorrerako Helburuak betetzeko.
